ઉર્મિલાએ મોર્નિંગ વોક કર્યું, સાથોસાથ પોતાનો ચૂંટણીપ્રચાર પણ કર્યો…
બોલીવૂડ અભિનેત્રી અને મુંબઈ-ઉત્તર લોકસભા બેઠક માટે કોંગ્રેસનાં ઉમેદવાર ઉર્મિલા માતોંડકર 7 એપ્રિલ, રવિવારે સવારે બોરીવલી (પૂર્વ)ના સંજય ગાંધી રાષ્ટ્રીય ઉદ્યાન (નેશનલ પાર્ક)માં મોર્નિંગ વોક પર નીકળ્યાં હતાં અને સાથોસાથ પોતાનો ચૂંટણી પ્રચાર પણ કર્યો હતો. એમને જોઈને મોર્નિંગ વોક કરવા આવેલા અને ફરવા આવેલા ઘણાં લોકોને આશ્ચર્ય થયું હતું. ઉર્મિલાએ લોકો સાથે વાતચીત કરી હતી અને લોકોનું અભિવાદન સ્વીકાર્યું હતું. ઉર્મિલા મુંબઈ-ઉત્તર બેઠક પર સામનો કરી રહ્યાં છે ભાજપના ગોપાલ શેટ્ટીનો, જેઓ 2014ની ચૂંટણીમાં વિજયી થયા હતા અને આ વખતની ચૂંટણી જીતવા માટે પણ ફેવરિટ છે. મુંબઈ-ઉત્તર મતવિસ્તારમાં ગુજરાતીઓની વસ્તી ઘણી છે.
