ચિત્રકાર રાજા રવિ વર્માનાં જગવિખ્યાત ચિત્રોને નવી કલ્પના સાથે જીવંત કરાયા

જી. વેંકટ રામ નામના જાણીતા ફોટોગ્રાફરે 2020ના વર્ષ માટે પોતાના કેલેન્ડર માટે 19મી સદીના પ્રસિદ્ધ ચિત્રકાર રાજા રવિ વર્માના ખૂબ પ્રચલિત થયેલા પેઈન્ટિંગ્સને પસંદ કર્યા છે. રાજા રવિ વર્માએ દોરેલા ચિત્રોને વેંકટ રામે નવી કલ્પના અને નવા સ્વરૂપ સાથે ફરી જીવંત કર્યા છે. ફોટોશૂટ માટે વેંકટે દક્ષિણ ભારતની ફિલ્મોની 12 જાણીતી અભિનેત્રીઓનાં ચહેરાઓનો ઉપયોગ કર્યો છે.

આ અભિનેત્રીઓમાં શ્રુતિ હાસન, સામંથા રુથ પ્રભુ, ખૂશ્બૂ સુંદર, રામ્યા કૃષ્ણન, લિસી લક્ષ્મી, નાદિયા, લક્ષ્મી માંચુ, પ્રિયદર્શિની ગોવિંદ, ઐશ્વર્યા રાજેશ, શોભના ચંદ્રકુમારનો સમાવેશ થાય છે.

વેંકટ રામે આ કેલેન્ડર જાણીતા ફિલ્મ નિર્માતા-દિગ્દર્શક મણી રત્નમના પત્ની સુહાસિની સંચાલિત ચેરિટેબલ ટ્રસ્ટ ‘નામ’ માટે તૈયાર કરવામાં આવ્યું છે.

આ છે 12 તસવીરો, જેમાં ડાબી બાજુ છે રાજા રવિ વર્મા રચિત જૂનું ચિત્ર અને જમણી બાજુએ છે નવી અભિનેત્રી સાથે રીક્રિએટ કરાયેલી તસવીર.

ચાંદનીના પ્રકાશમાં રાધાના નવા ચિત્રમાં શ્રુતિ હાસન.

અભિનેત્રી નાદિયા

એક નવા જીવનના પ્રતિક સમાન એક ફળ હાથમાં પકડીને ઊભેલી ગર્ભવતી સ્ત્રી તરીકે સામંથા રુથ પ્રભુ

અભિનેત્રી અને નેતા ખૂશ્બૂ સુંદર

રવિ વર્માનાં પુત્રી મહાપ્રભાનાં ચિત્રમાં ભારતનાટ્યમ નર્તકી શોભના ચંદ્રકુમાર

લિસી લક્ષ્મી

લક્ષ્મી માંચુ બની છે રાણી ચિમનાબાઈ

મહારાણી લક્ષ્મીના રૂપમાં ચામુંડેશ્વરી

શ્રુતિ હાસન

મલયાલી અભિનેત્રી ઐશ્વર્યા રાજેશ

રાજા નળ અને રાણી દમયંતીની વાર્તાવાળી દમયંતી બની છે રામ્યા કૃષ્ણન

પ્રિયદર્શિની ગોવિંદ

રાજા રવિ વર્માનો જન્મ 29 એપ્રિલ, 1848માં કેરળના કિલિમાનૂર નગરમાં થયો હતો. પાંચ વર્ષની જ વયે તેઓ એના ઘરની દીવાલો પર દૈનિક જીવનની ઘટનાઓને ચિત્રિત કરતા હતા. એમના કાકા રાજા રાજ વર્મા કલાકાર હતા અને એમણે ભત્રીજા રાજા રવિની પ્રતિભાને પારખી લીધી હતી અને એને કળાનું પ્રારંભિક શિક્ષણ આપ્યું હતું. 14 વર્ષની વયે રાજા રવિ વર્મા ત્રિવેન્દ્રમ ગયા હતા અને ત્યાં રાજમહેલમાં તૈલ ચિત્રણનું શિક્ષણ મેળવ્યું હતું. ત્યારબાદ ચિત્રકળામાં વિવિધ પ્રકારે કુશળતા હાંસલ કરી હતી. એમણે યુરોપીયન ચિત્રકળાનો પણ ખૂબ અભ્યાસ કર્યો હતો. રાજા રવિ વર્માનું 58 વર્ષની વયે 1906માં નિધન થયું હતું.

ઉલ્લેખનીય છે કે, વિશ્વની સૌથી મોંઘી સાડી રાજા રવિ વર્માનાં ચિત્રોની નકલથી સુસજ્જિત છે. અત્યંત કિંમતી એવા 12 રત્નો તથા ધાતુઓ જડિત એ સાડીની કિંમત રૂ. 40 લાખ છે અને દુનિયાની સૌથી મોંઘી સાડી તરીકે એને લિમ્કા બુક ઓફ રેકોર્ડ્સમાં સામેલ કરવામાં આવી છે.

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]