લંડનની જાણીતી નાઈટ ક્લબ ‘સર્ક લ સૉર’ની મુંબઈમાં પાર્ટી માટે ગૌરી ખાને બનાવ્યો ભવ્ય સેટ

બોલીવૂડ સુપરસ્ટાર શાહરૂખ ખાનની પત્ની ગૌરી ખાન વ્યવસાયે ઈન્ટીરિયર ડિઝાઈનર છે. આ ક્ષેત્રમાં તેઓ એક જાણીતું નામ છે. એમણે પોતાનું કૌશલ્ય હવે દરિયાપારનાં લોકો માટે પ્રસ્તુત કર્યું છે.

હેલોવીન્સ ડે પૂર્વે લંડનની ખૂબ જાણીતી નાઈટક્લબ ‘સર્ક લ સૉર’ (Cirque le Soir) દ્વારા મુંબઈમાં નિર્ધારિત ‘વન નાઈટ ઓન્લી’ પાર્ટી માટે ગૌરી એક ભવ્ય સેટ તૈયાર કરી રહ્યાં છે.

આ પાર્ટી બુધવારે યોજાવાની છે.

ગૌરીનાં જણાવ્યા મુજબ, અમે વાઈબ્રન્ટ રંગો તથા પ્લશ ઈન્ટીરિયર સાથે પાર્ટી માટે ઝમકદાર અને આકર્ષક માહોલ તૈયાર કરી આપીશું. પરફોર્મ કરનારાઓ માટે તે યાદગાર સેટિંગ બની રહેશે.

સર્કસ-થીમવાળી નાઈટ ક્લબ ‘સર્ક લ સૉર’ લંડનની સ્થાપના ૨૦૦૯માં કરવામાં આવી હતી. આ ક્લબ પસંદગીના લોકો માટે હોય છે જેમાં મોંઘેરા મહેમાનો સમક્ષ કાયમ કંઈક નવીન સરપ્રાઈઝ કાર્યક્રમ રજૂ કરવામાં આવે છે.

મુંબઈમાં બુધવારની પાર્ટીમાં પરફોર્મ કરવા માટે આ ક્લબ આઠ નિષ્ણાત કલાકારોને ખાસ વિમાન દ્વારા ભારત લાવનાર છે.

‘સર્ક લ સૉર’ને મુંબઈ લાવનાર વીવીઆઈપી યૂનિવર્સલ એન્ટરટેઈનમેન્ટ એલએલપી કંપનીના સ્થાપક ઈમ્તિયાઝ ખત્રીનું કહેવું છે કે ‘સર્ક લ સૉર’ને ભારત લાવવાના અમારા નિર્ણયને ઘણા લોકોએ ખૂબ જ પસંદ કર્યો છે. મહેમાનોને રોમાંચક અનુભવ કરાવવા માટે અમે સર્કસ થીમ પસંદ કર્યો છે. કુશળ પરફોર્મર્સ સ્ટેજ પર લાઈવ સર્કસ કરતબ જોઈને મહેમાનો ખુશ થઈ જશે. મહેમાનો કહેશે કે અસલી પાર્ટી એન્ટરટેઈનમેન્ટ તો આને જ કહેવાય. અને આ માટેનો એક્સક્લુઝિવ સેટ તૈયાર કરી રહ્યાં છે ગૌરી ખાન.

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]