મુંબઈ: કબીર ખાન દિગ્દર્શિત ‘ચંદુ ચેમ્પિયન’ફિલ્મ હાલ ખૂબ ચર્ચામાં છે. ફિલ્મનું ધમાકેદાર ટ્રેલર રિલીઝ થઈ ગયું છે. મુરલીકાંત પેટકરના રોલમાં કાર્તિક આર્યન મજબૂત દેખાઈ રહ્યો છે. લોકોએ ટ્રેલરની ખૂબ પ્રશંસા કરી છે અને લોકો મુરલીકાંત પેટકર કોણ હતા તે જાણવા આતુર બના ગયા છે.
આંખોમાં સપના અને દિલમાં જોશ હશે તો એક દિવસ સફળતાનો માર્ગ મળી જશે. 1 નવેમ્બર 1944 ના રોજ મહારાષ્ટ્રના સાંગલી જિલ્લાના પેઠ ઇસ્લામપુરમાં એક બાળકનો જન્મ થયો, જેનું બાળપણથી એક જ સપનું હતું – દેશ માટે ગોલ્ડ મેડલ જીતવાનું. આ વ્યક્તિ છે મુરલીકાંત પેટકર જેણે પોતાનું સપનું પૂરું કર્યું અને દેશ માટે પહેલો ગોલ્ડ મેડલ લાવ્યા.
દેશ માટે બે વાર ઈતિહાસ રચનાર ‘ચંદુ ચેમ્પિયન’ ઉર્ફે મુરલીકાંત પેટકરને બહુ ઓછા લોકો જાણે છે. તે પહેલા કુસ્તી રમતા હતા. તે રમતગમતમાં કારકિર્દી બનાવવા માંગતા હતા, પરંતુ પરિવારના દબાણને કારણે તે તેમ કરી શકાયા નહી. પછી તેણે ભારતીય સેના માટે કામ કર્યું અને આ સાથે તેણે પોતાનું સપનું પણ પૂરું કર્યું. તેણે ભારતીય સેના માટે બોક્સિંગ કર્યું.
મુરલીકાંતને 1965ના પાકિસ્તાન સામેના યુદ્ધમાં 9 ગોળીઓ વાગી હતી. તે એટલી ખરાબ રીતે ઘાયલ થયા હતા કે તે કોમામાં ચાલ્યા ગયા હતા. તેણે પોતાનો એક હાથ પણ ગુમાવ્યો હતો. તેણે 1972માં જર્મનીમાં યોજાયેલી પેરાલિમ્પિક્સમાં દેશ માટે ગોલ્ડ મેડલ જીત્યો હતો. તે પ્રથમ ગોલ્ડ મેડલ વિજેતા છે. તેણે 50 મીટર ફ્રી સ્ટાઇલ સ્વિમિંગમાં 37.33 સેકન્ડના સમય સાથે ઇતિહાસ રચ્યો હતો. તેમને 2018માં પદ્મશ્રીથી નવાજવામાં આવ્યા હતા.
ચંદુ ચેમ્પિયન ક્યારે રિલીઝ થઈ રહી છે?
કબીર ખાન દ્વારા નિર્દેશિત ફિલ્મમાં કાર્તિક આર્યન મુરલીકાંત પેટકર એટલે કે ‘ચંદુ ચેમ્પિયન’નું પાત્ર ભજવી રહ્યો છે. આ ફિલ્મ સાજીદ નડિયાદવાલાએ પ્રોડ્યુસ કરી છે. આ ફિલ્મ 14 જૂને સિનેમાઘરોમાં રિલીઝ થઈ રહી છે.
