મુંબઈ: વિકી કૌશલ અને કૅટરિના કૈફ ફિલ્મ ઈન્ડસ્ટ્રીના સૌથી ફેવરિટ કપલ્સમાંથી એક છે. આ બંને એક-બીજા સાથે ઓન-સ્ક્રીન અને ઓફ-સ્ક્રીન પણ ખૂબ જ સારી બોન્ડિંગ શેર કરે છે. આ દિવસોમાં વિકી કૌશલ તેની આગામી ફિલ્મ ‘છાવા’ના પ્રમોશનમાં વ્યસ્ત છે. આ સાથે તે તેના તાજેતરના ઈન્ટરવ્યુ માટે પણ ચર્ચામાં છે. હાલમાં જ વિકીએ ખુલાસો કર્યો છે કે તે કૅટરિના સાથે કયા મુદ્દે લડતો રહે છે. આ ફની સ્ટોરી વિશે જાણીને તમે પણ હસવા લાગશો.
આ કારણથી થાય છે વિકી-કૅટરિનાની લડાઈ
‘છાવા’ અભિનેતા વિકી કૌશલે 2022માં સિદ્ધાર્થ મલ્હોત્રા અને કરણ જોહરની સામે સૌથી લોકપ્રિય ચેટ શો ‘કોફી વિથ કરણ’ દરમિયાન કેટરિના કૈફ સાથેની તેની લડાઈ વિશે એક રમુજી ટુચકો શેર કર્યો હતો. રેપિડ-ફાયર રાઉન્ડ રમતી વખતે જ્યારે વિકી કૌશલને પૂછવામાં આવ્યું કે તે અને તેની પત્ની કૅટરિના કૈફ વચ્ચે લડાઈ થાય છે? ત્યારે વિકી હસ્યો અને કહ્યું, ‘વૉર્ડરોબમાં જગ્યા માટે.’ આ દરમિયાન હોસ્ટ કરણે પણ હસીને ખુલાસો કર્યો હતો કે તે એક વખત વિકી કૌશલના ઘરે ગયો હતો અને તેણે જોયું હતું કે અભિનેતા પાસે કપડાં રાખવા માટે જગ્યા નથી. ફિલ્મ નિર્માતા વધુમાં કહે છે, ‘તે એક અભિનેત્રી છે અને તેના માટે બે કબાટમાં જગ્યા હોવી જરૂરી છે.’ આ સાંભળીને સિદ્ધાર્થ મલ્હોત્રા પણ હસવા લાગે છે.
વિકી-કેટરિનાનું અંગત જીવન
વિકી કૌશલ અને કેટરિના કૈફે થોડા વર્ષો સુધી ડેટિંગ કર્યા બાદ 9 ડિસેમ્બર, 2021ના રોજ લગ્ન કર્યા હતા. વિકી કૌશલ અને કેટરીના કૈફ ચાહકોમાં ‘વિકેટ’ તરીકે પ્રખ્યાત છે. જોકે તેઓએ ક્યારેય સાથે સ્ક્રીન શેર કરી નથી. થોડા મહિના પહેલા કેટરિના કૈફની પ્રેગ્નન્સીના સમાચાર પર પ્રતિક્રિયા આપતા વિક્કીએ અફવાઓને ફગાવી દીધી હતી અને કહ્યું હતું કે એવું કંઈ નથી.
વિકી-કેટરિનાની આગામી ફિલ્મ
વર્ક ફ્રન્ટ વિશે વાત કરીએ તો, વિકી કૌશલ છેલ્લે ‘બેડ ન્યૂઝ’માં જોવા મળ્યો હતો, જેમાં તેની સાથે તૃપ્તિ ડિમરી અને એમી વિર્ક પણ હતા. આ પછી વિકી 6 ડિસેમ્બરે પીરિયડ વોર એક્શન-ડ્રામા ‘છાવા’માં જોવા મળશે. આ ફિલ્મ મરાઠા યોદ્ધા છત્રપતિ સંભાજી મહારાજના બહાદુર જીવનની વાર્તા પર આધારિત છે. બીજી તરફ કેટરીના કૈફ છેલ્લે ‘મેરી ક્રિસમસ’ અને ‘ટાઈગર 3’માં જોવા મળી હતી. તેની પાસે ફરહાન અખ્તર સાથે ‘જી લે ઝરા’ સહિતના અનેક પ્રોજેક્ટ છે, પરંતુ તેણે હજુ સુધી કોઈ ફિલ્મનું શૂટિંગ શરૂ કર્યું નથી.
