વડા પ્રધાન નરેન્દ્ર મોદી ગુરુવારે વોશિંગ્ટન ડીસીના બ્લેર હાઉસ ખાતે એલોન મસ્કના પુત્ર X Æ A-12 (જે ‘X’ તરીકે ઓળખાય છે) અને તેમના બે અન્ય બાળકો સાથે મળ્યા. આ મુલાકાત એકદમ અનોખી હતી, જ્યાં પીએમ મોદીએ મસ્ક પરિવાર સાથે વાતચીત કરી અને બાળકોને મળવાની ખુશી પણ વ્યક્ત કરી.
પીએમ મોદી એલોન મસ્કના બાળકો માટે ભેટ પણ લાવ્યા હતા. મોદીના હાથમાં ભેટો જોતાં જ બાળકો ખુશ થઈ ગયા હતાં.આ મુલાકાતની તસવીરો પણ વાયરલ થઈ રહી છે.
આ મુલાકાત દરમિયાન, એલન મસ્કે પ્રધાનમંત્રી મોદી સાથે અવકાશ, ગતિશીલતા, ટેકનોલોજી અને નવીનતા જેવા વિષયો પર ચર્ચા કરી. મસ્ક માટે આ બધા વિષયો ખૂબ જ મહત્વપૂર્ણ છે, કારણ કે તેમની કંપનીઓ સ્પેસએક્સ, ટેસ્લા અને સોશિયલ મીડિયા પ્લેટફોર્મ એક્સ આ ક્ષેત્રોમાં કામ કરી રહી છે. પ્રધાનમંત્રી મોદીએ કહ્યું કે તેઓ મસ્ક અને તેમના પરિવારને મળીને ખૂબ ખુશ છે.
પીએમ મોદી એલોન મસ્કના બાળકો સાથે વાતચીત કરતા અને ભેટોની આપ-લે કરતા જોવા મળ્યા. તસવીરોમાં સ્પષ્ટપણે જોઈ શકાય છે કે મોદી અને ભારતીય અધિકારીઓ મસ્કના બાળકો સાથે ખૂબ જ મૈત્રીપૂર્ણ હતા. ખાસ કરીને, બે નાના બાળકો પીએમ મોદી સાથે વાતો કરી રહ્યા હતા.
