નવી દિલ્હીઃ અમેરિકાના રાષ્ટ્રપતિ ડોનાલ્ડ ટ્રમ્પ રશિયાના રાષ્ટ્રપતિ વ્લાદિમિર પુતિનથી વાતચીત કરવા માટે તૈયાર છે. વોશિંગ્ટન આ મામલે પુષ્ટિનો ઇન્તજાર કરી રહ્યું છે. ટ્રમ્પે ગુરુવારે કહ્યું હતું કે તેઓ જલદીથી જલદી પુતુન સાથે વાતચીત કરવા ઇચ્છે છે.
ટ્રમ્પે ગુરુવારે કહ્યું હતું કે હું પુતિનને ટૂંક સમયમાં મળવા ઈચ્છું છું, જેથી યુક્રેનની સાથે ચાલી રહેલા યુદ્ધને ખતમ કરવામાં આવી શકે. તેમણે પરમાણુ હથિયારોમાં ઘટાડા પર પણ કામ કરવાની ઈચ્છા વ્યક્ત કરી હતી. રશિયા અને યુક્રેનનું યુદ્ધ 24 ફેબ્રુઆરીસ 2022એ શરૂ થયુ હતું અને હવે આ યુદ્ધને ત્રણ વર્ષ પૂરાં થઈ જશે.
ટ્રમ્પે ચૂંટણી પહેલાં ઘણી વખત દાવો કર્યો હતો કે જો તેમનો કાર્યકાળ શરૂ થાય છે તો તેમના પહેલા દિવસે જ યુક્રેન અને રશિયાની વચ્ચે કરાર થઈ જશે. ટ્રમ્પ 20 જાન્યુઆરીએ વ્હાઈટ હાઉસમાં પાછા ફર્યા છે. જોકે તેમના સલાહકારોએ હવે સ્વીકાર કર્યો છે કે આ યુદ્ધને સમાપ્ત કરવામાં થોડા મહિના લાગી શકે છે.
સામે પક્ષે યુક્રેનના પ્રમુખ ઝેલેન્સકીએ મને કહ્યું હતું કે તેઓ યુદ્ધ સમાપ્ત કરવા માટે એક કરાર કરવા માટે તૈયાર છે. શાંતિ કરારને સુરક્ષિત કરવા માટે પ્રયત્ન કરી રહ્યાં છે.
આ સાથે ટ્રમ્પના શપથ ગ્રહણ સમારોહના થોડા જ કલાક બાદ એટલે કે 21 જાન્યુઆરીએ રશિયન પ્રમુખ પુતિને પોતાના ચીની સમકક્ષ શી જિનપિંગ સાથે ફોન પર વાત કરી. રશિયાના વિદેશ મામલાના સલાહકાર યુરી ઉશાકોવ અનુસાર પુતિને શીને કહ્યું હતું કે યુક્રેનની સાથે કોઈ પણ કરારમાં રશિયન હિતોનું સન્માન થવું જોઈએ.
