કેનેડામાં ન્યૂ ડેમોક્રેટિક પાર્ટી (NDP) એ વડાપ્રધાન જસ્ટિન ટ્રુડોને મોટો ઝટકો આપતા સરકારમાંથી સમર્થન પાછું ખેંચી લીધું છે. NDPના જગમીત સિંહે ટ્રુડોની લિબરલ પાર્ટી સાથે ગઠબંધન તોડવાની જાહેરાત કરી છે, જેના કારણે ટ્રુડો સરકાર જોખમમાં છે. વિપક્ષી પાર્ટીઓએ વહેલી ચૂંટણીની માંગ કરી છે કારણ કે ટ્રુડો સરકાર હવે લઘુમતીમાં છે.
કેનેડામાં એનડીપીને ખાલિસ્તાન તરફી પાર્ટી માનવામાં આવે છે, તેના નેતા જગમીત સિંહે એક વીડિયો જાહેર કરીને કહ્યું કે તેઓ 2022માં બંને પક્ષો વચ્ચે થયેલા કરારને તોડી રહ્યા છે. બંને પક્ષો વચ્ચેનો આ કરાર 2025 સુધી ચાલવાનો હતો.
NDPએ ટ્રુડો સરકાર પર આરોપ લગાવ્યો
જગમીત સિંહે આરોપ લગાવ્યો છે કે લિબરલ પાર્ટીએ ઉદ્યોગપતિઓ સામે ઝૂકીને લોકોને નિરાશ કર્યા છે. સિંહે કહ્યું કે જસ્ટિન ટ્રુડો કેનેડિયનો તરફથી બીજી તકને લાયક નથી. એનડીપીના પ્રવક્તાના જણાવ્યા અનુસાર, છેલ્લા બે અઠવાડિયાથી સમજૂતીની સમાપ્તિ અંગે વિચારણા ચાલી રહી હતી અને વિડિયો ઓનલાઈન થવાના થોડા સમય પહેલા એનડીપીએ લિબરલ પાર્ટીને જાણ કરી હતી.
