મુંબઈ: ભારત સહિત વિશ્વના ઘણા દેશોમાં 17મી જૂને બકરી ઈદનો તહેવાર ઉજવવામાં આવ્યો. આ અવસર પર બોલિવૂડ સેલેબ્સે પણ ચાહકોને ઈદની શુભેચ્છા પાઠવી છે. પોતાના નિવેદનોને કારણે હેડલાઈન્સમાં રહેનારી બૉલિવૂડ એક્ટ્રેસ સ્વરા ભાસ્કર ઈદ પર લોકોના નિશાના પર આવી ગઈ છે. સ્વરા ભાસ્કરને ફૂડ વ્લોગરની એક્સ-પોસ્ટને રિશેર કરવાનું ભારે પડ્યું. નલિની ઉનાગર નામની ફૂડ બ્લોગરે તેના એક્સ હેન્ડલ પર એક પોસ્ટ કરી હતી. જેમાં એક શાકાહારી ભોજનની પ્લેટ છે અને સાથે કેપ્શનમાં લખ્યું છે કે “મને શાકાહારી હોવાનો ગર્વ છે. મારી થાળી આંસુ, ક્રૂરતા અને પાપથી મુક્ત છે.
સ્વરા ભાસ્કરે તેના એક્સ હેન્ડલ પરથી નલિનીની પોસ્ટ રિશેર કરી છે. અભિનેત્રીએ શાકાહારીઓ પર નિશાન સાધ્યુ છે. પરંતુ લોકોએ તેને ઉગ્ર ઠપકો આપ્યો છે. તેણીએ તેની પોસ્ટમાં લખ્યું,”સાચું કહું… મને શાકાહારીઓ વિશે આ વાત સમજાતી નથી. તમારો સંપૂર્ણ આહાર વાછરડાને તેની માતાના દૂધથી વંચિત રાખવાથી બનેલો છે. ગાયોને બળજબરીથી ગર્ભાધાન કરવા, પછી તેમને તેમના બાળકોથી અલગ કરવા અને તેમના દૂધની ચોરી કરવી. આ સિવાય જો તમે મૂળ શાકભાજી ખાઓ છો તો આખો છોડ નાશ પામે છે. આરામ કરો તો સારું રહેશે કારણ કે આજે બકરી ઈદ છે.
સ્વરાની આ X પોસ્ટ પછી સોશિયલ મીડિયા યુઝર્સે જોરદાર ક્લાસ શરૂ કર્યો છે. લોકો તેને જોરદાર ટ્રોલ કરી રહ્યા છે. અભિનેત્રીને શાણપણ આપતાં એક યુઝરે લખ્યું કે શાકભાજીના મૂળ આંસુ નથી વહાવતા.હું આશા રાખું છું કે તમે આ સારી રીતે જાણો છો. મૂળ શાકભાજી કાપતા પહેલા તે ડરતા નથી. એકે ટિપ્પણી કરી,’એવું લાગે છે કે તમારી સમજદારી વેકેશન પર ગઈ છે.જે પ્રાણીને રાખે છે તે તેની સંભાળ પણ રાખે છે.
એક યુઝરે લખ્યું,”તમે આ રીતે લાખો પ્રાણીઓની હત્યાને યોગ્ય ઠેરવી રહ્યા છો?”તમે લોકોને દિવાળી પર ફટાકડા ન ફોડવા અને હોળી પર પ્રાણીઓ પર રંગો ન નાખવા કહો છો,પરંતુ બકરીદ પર પ્રાણીઓને મારવામાં અને ખાવામાં તમને કોઈ વાંધો નથી.
સ્વરાને ઈન્ડસ્ટ્રીમાં કામ નથી મળી રહ્યું
સ્વરા તેના સ્પષ્ટ શબ્દો માટે જાણીતી છે. પરંતુ આ કારણોસર હવે તેને બોલિવૂડમાં કામ નથી મળી રહ્યું. અભિનેત્રીએ તાજેતરમાં કનેક્ટ સિનેને એક ઇન્ટરવ્યુ આપ્યો હતો. તેણે કહ્યું, “તમે કહી શકો છો કે મને યુદ્ધમાં ગોળી વાગી હતી અને જ્યારે મને ગોળી વાગે છે, ત્યારે દુઃખ થાય છે. આ મારા અભિપ્રાયના પરિણામો છે.
મારી પુત્રી રાબિયાના જન્મ પહેલા અભિનય મારો સૌથી મોટો શોખ અને પ્રેમ હતો. હું ઘણી ભૂમિકાઓ અને અભિનય પ્રોજેક્ટ કરવા માંગતી હતી.પરંતુ મને જોઈતી તક મળી નથી.આટલા બધા અભિનય પ્રોજેક્ટ્સ ન મળવાની કિંમત ચૂકવવી પડે છે, જેમાં નાણાકીય અને ભાવનાત્મક બંને સમસ્યાઓનો સમાવેશ થાય છે.
