સુરત: શહેરના પૂણા વિસ્તારમાં આવેલી નાલંદા વિધાલયમાં ધો -૧૨ કોમર્સમાં અભ્યાસ કરતા રિક્ષાચાલકના પુત્ર જીજ્ઞેશ ભાવેશભાઈ ડાભીએ ૯૪.૪૩ ટકા મેળવીને એ-વન ગ્રેડમાં સ્થાન મેળવ્યું છે. જીજ્ઞેશનું પરિણામ ઉત્કૃષ્ટ આવતા પરિવારમાં અને સ્નેહીજનોમાં ખુશીની લહેર છવાઈ ગઈ છે. 
પિતા ભાવેશભાઇ રિક્ષા ચલાવીને પત્ની અને ત્રણ સંતાનોનું ભરણ પોષણ કરે છે. ભાવેશભાઇના બીજા બે પુત્ર પણ અભ્યાસ કરે છે. જીગ્નેશ કહે છે, “હવે આગળ CAનો અભ્યાસ કરવો છે. મારા માતા-પિતાએ મારા માટે ખૂબ મહેનત કરી છે. CA બનીને હું એમનો બોજ હળવો કરીશ.
જીજ્ઞેશ રોજ આઠ કલાક મહેનત કરતો હતો. હવે આગળ વધુ મહેનત કરીને ઉચ્ચ અભ્યાસ કરવા માંગે છે.
(અરવિંદ ગોંડલિયા – સુરત)
