મુંબઈઃ ઓસ્ટ્રેલિયાનો કેપ્ટન અને દુનિયાના દિગ્ગજ બેટર્સમાંનો એક સ્ટીવન સ્મિથ ટાટા આઈપીએલ-2023ના સત્તાવાર ટેલિવિઝન બ્રોડકાસ્ટર્સ સ્ટાર સ્પોર્ટ્સ પર એક્સપર્ટ કોમેન્ટેટર્સના સમૂહમાં સામેલ કરાયો છે. સ્મિથ આ ભૂમિકામાં પહેલી જ વાર જોવા મળશે.
આંતરરાષ્ટ્રીય ક્રિકેટટમાં 10,000થી વધારે રન અને 27 સદી ફટકારી ચૂકેલો સ્મિથ ઓસ્ટ્રેલિયા જેમાં વિજેતા બન્યું હતું તે બે વર્લ્ડ કપમાં રમી ચૂક્યો છે. એક્સપર્ટ કોમેન્ટેટર તરીકેની નવી ભૂમિકા વિશે સ્મિથે કહ્યું છે કે, હું રમતને ઘણી સરસ રીતે પારખી શકું છું એટલે આઈપીએલ મેચો જોનારાઓને સારી જાણકારી આપી શકીશ એવી મને આશા છે. સ્ટાર સ્પોર્ટ્સની ટીમ સાથે જોડાવાનો મોકો મળ્યો છે એનાથી હું બહુ ખુશ છું અને આ નવો અનુભવ પ્રાપ્ત કરવા ઉત્સુક છું.
