અમદાવાદ: જિલ્લા કક્ષાની ખાસ ખેલ મહાકુંભ ચેસ ટુર્નામેન્ટ આજે બ્લાઇન્ડ પીપલ્સ એસોસિએશન ખાતે સફળતાપૂર્વક યોજાઈ હતી. આ કાર્યક્રમમાં ચાર શ્રેણીઓમાં 50 થી વધુ ખેલાડીઓએ ઉત્સાહભેર ભાગ લીધો હતો. 18 વર્ષથી ઓછી ઉંમરના છોકરાઓ, 18 વર્ષથી ઓછી ઉંમરના છોકરીઓ, 18 વર્ષથી વુધ ઉંમરના છોકરાઓ અને 18 વર્ષથી વધુ ઉંમરના છોકરીએ ભાગ લીધો છે.
ચેસની સ્પર્ધામાં શ્રેણી પ્રમાણે વિજેતાઓ નામ
18 વર્ષથી ઓછી ઉંમરના છોકરાઓની શ્રેણીમાં ધ્રુવ ભુવા પ્રથમ આવ્યા હતા. જ્યારે માનવ પટેલ બીજા નંબર પર આવ્યા તો રંગી મૌલિક ત્રીજા નંબર પર સ્થાન મેળવ્યું હતું. 18 વર્ષથી ઓછી ઉંમરની છોકરીઓમાં બીજા ક્રમાંક પર આયુષી અને રિદ્ધિ ત્રીજી ક્રમાંક પર આવી હતી. 18 વર્ષથી ઉપરના છોકરીઓમાં ખુશાલી પ્રમથ ફાલ્ગુની ઠાકુર બીજા ક્રમાંક પર તો જલ્પા ત્રીજા ક્રમાંક પર સ્થાન મેળવ્યું હતું. 18 વર્ષથી ઉપરના છોકરાઓમાં વિરલ ત્રિવેદી પ્રથમ તો દર્શન પંડ્યા બીજા ક્રમાંક પર આવ્યા હતા. જ્યારે ત્રીજા ક્રમાંક પર દિનેશ રાજપુરોહિતે સ્થાન પ્રાપ્ત કર્યું હતું.
ટુર્નામેન્ટ સૌહાર્દપૂર્ણ અને મૈત્રીપૂર્ણ વાતાવરણમાં રમાઈ હતી, જેમાં સહભાગીઓને નાસ્તો અને બપોરનું ભોજન પૂરું પાડવામાં આવ્યું હતું. આયોજકો ગુજરાત સરકાર, જિલ્લા રમતગમત અધિકારી, અમદાવાદ, બ્લાઇન્ડ પીપલ્સ એસોસિએશન, NAB અમદાવાદ શાખા અને ગુજરાત ચેસ એસોસિએશન ફોર ધ વિઝ્યુઅલી ચેલેન્જ્ડનો આ કાર્યક્રમને સફળ બનાવવામાં તેમના સહયોગ બદલ આભાર માને છે.
