અમદાવાદઃ ‘ક્રિકબઝ’ ક્રિકેટ પોર્ટલના અહેવાલ અનુસાર, આ વર્ષે ભારતમાં યોજાનાર વન-ડે ક્રિકેટ ઈન્ટરનેશનલ વર્લ્ડ કપ સ્પર્ધાની ફાઈનલ મેચનું આયોજન અહીંના નરેન્દ્ર મોદી સ્ટેડિયમમાં કરવામાં આવશે, જે દર્શકોની ક્ષમતાની દ્રષ્ટિએ દુનિયાનું સૌથી મોટું ક્રિકેટ સ્ટેડિયમ છે. અહીં એક લાખ દર્શકો બેસીને મેચ જોવાનો આનંદ માણી શકે છે. ઈન્ટરનેશનલ ક્રિકેટ કાઉન્સિલ (આઈસીસી) દ્વારા આયોજિત ODI વર્લ્ડ કપ-2023 આ વર્ષની પાંચમી ઓક્ટોબરથી શરૂ થશે અને 19 નવેમ્બરે ફાઈનલ મેચ રમાશે. સ્પર્ધામાં 10 ટીમ રમશે. કુલ 48 મેચો યોજાશે.
આ જ સ્ટેડિયમમાં ગયા વર્ષની આઈપીએલની ફાઈનલ મેચ રમાઈ હતી અને હાલમાં જ ઓસ્ટ્રેલિયા અને ભારત વચ્ચેની ચોથી ટેસ્ટ મેચ પણ આ જ મેદાન પર રમાડવામાં આવી હતી.
