ચંડીગઢઃ દેખાવમાં અસ્સલ ભારતના સ્ટાર બેટર અને ભૂતપૂર્વ કેપ્ટન વિરાટ કોહલી જેવો દેખાતો કાર્તિક શર્મા નામના યુવક ઈન્ટરનેટ પર છવાઈ ગયો છે. એ ચંડીગઢનો રહેવાસી છે. વિરાટ કોહલી સાથે કાર્તિકના ચહેરાનું ગજબનું સામ્ય છે. કાર્તિક અસ્સલ વિરાટ કોહલી જેવી જ દાઢી અને હેરસ્ટાઈલ રાખે છે. એને કારણે ઘણા લોકો એને વિરાટ કોહલી સમજી લેવાની ભૂલ કરી બેસતા હોય છે. એ જ્યાં જાય છે ત્યાં લોકો એની સાથે ફોટો પડાવવાનો આગ્રહ રાખે છે. કાર્તિકના ફોટા અને વીડિયો જોઈને નેટયૂઝર્સ આશ્ચર્યચકિત અને મંત્રમુગ્ધ થઈ ગયા છે.
(તસવીર સૌજન્યઃ કાર્તિક શર્મા ઈન્સ્ટાગ્રામ kartikkohli_18)
કાર્તિક વ્યવસાયે સોફ્ટવેર એન્જિનીયર છે. એ કોહલીનો જબ્બર પ્રશંસક છે. પોતે પણ ક્રિકેટ રમવાનો શોખીન છે. પોતાના સોશિયલ મીડિયા એકાઉન્ટ્સ પર એણે કોહલીના અસંખ્ય વીડિયો અને ફોટા અપલોડ કર્યા છે. કાર્તિકે પોતાના ઈન્સ્ટાગ્રામ પર પોતાનું નામ કાર્તિક કોહલી તરીકે લખ્યું છે.
કાર્તિકે કહ્યું છે કે, ‘વિરાટ કોહલીને હું મારો આદર્શ માનું છું. મને આશા છે કે કોઈક દિવસ વિરાટને પ્રત્યક્ષ મળવાનું થશે અને મારું સપનું સાકાર થશે.’
