નવી દિલ્હીઃ IPL-2024નો પ્રારંભ 22 માર્ચથી થયો છે અને અત્યાર સુધી સીઝનમાં 16 મેચ રમાઈ ચૂકી છે, જેમાં દિલધડક મેચો જોવા મળી છે. એક ટીમ દ્વારા કોઈ પણ ઇનિંગ્સમાં સૌથી વધુ રનનો સ્કોર ધ્વસ્ત થઈ ચૂક્યો છે. દરેક મેચમાં ચોક્કા અને છક્કાનો વરસાદ થઈ રહ્યો છે. આ વખતે પાંચ વારની ચેમ્પિયન MI ખરાબ પ્રદર્શનને કારણે ચર્ચામાં છે.
આ વખતે ત્રણ ટીમો એવી છે, જે સતત હરીફ ટીમને ધૂળ ચટાડી રહી છે. આવો જાણીએ ત્રણ ટીમો વિશે, જેનું અત્યારથી પ્લેઓફ્ફમાં પહોંચવાનું લગભગ નક્કી છે.
આમાં સૌથી પહેલું નામ KKRનું, જે અત્યાર સુધી IPL 2024માં ત્રણે મેચ જીતી ચૂકી છે. ટીમની પાસે સુનીલ નરેન અને ફિલ સોલ્ટના રૂપમાં સારી ઓપનિંગ જોડી છે, જે ત્રણમાંથી બે વાર અર્ધ સદી ફટકારી ચૂકી છે. KKRનું કોમ્બિનેશન હાલ લાજવાબ છે.
સૌથી સારી ટીમના કોમ્બિનેશનમાં CSK પણ પાછળ નથી.રચિન રવીન્દ્ર ,ઋતુરાજ ગાયકવાડ, ડેરિલ મિશેલ અને શિવમ દુબે પણ સતત બોલરોની ધુલાઈ કરી રહ્યા છે.
