નવી દિલ્હીઃ ભારતીય કુશ્તીમાં જારી સંકટમાં નવો મોડ આવ્યો છે, જ્યારે સેંકડો જુનિયર પહેલવાનોએ કેરિયરમાં એક મહત્ત્વનું વર્ષ બરબાદ થવાની વિરુદ્ધ જંતર-મંતર પર જમા થયેલા બજરંગ પૂનિયા, સાક્ષી મલિક અને વિનેશ ફોગાટને દોષી ઠેરવ્યા છે. આ પહેલવાનોએ વિનેશ ફોગાટ, બજરંગ પૂનિયા અને સાક્ષી મલિક પર નકલી આંદોલન ચલાવવાનો આરોપ લગાવ્યો હતો.
વાસ્તવમાં બસો ભરીને જુનિયર પહેલવાનો ઉત્તર પ્રદેશ, હરિયાણા અને દિલ્હીના વિવિધ ભાગોમાંથી જંતર-મંતર પહોંચ્યા હતા, પણ પોલીસને એ વાતની જાણ સુધ્ધાં નહોતી. તેમાંથી આશરે 300 લોકો છપરૌલી, બાગપતના આર્ય સમાજના અખાડામાં આવ્યા હતા, જ્યારે કેટલાય અન્ય નરેલામાં વીરેન્દ્ર કુશ્તી એકેડેમીમાંથી આવ્યા હતા. કેટલાય લોકો હજી બસોમાં બેઠા છે અને વધુમાં વધુ પહેલવાનો ઐતિહાસિક વિરોધ સ્થળે પહોંચી રહ્યા છે. બાકીના તેમના સહયોગીઓની સાથે સામેલ થવાની યોજના બનાવી રહ્યા છે.
સુરક્ષા કર્મચારીઓને જુનિયર પહેલવાનોને નિયંત્રિત કરવા માટે સંઘર્ષ કરવો પડી રહ્યો છે, કેમ કે તેમણે પૂનિયા, મલિક અને ફોગાટની વિરુદ્ધ સૂત્રોચ્ચાર કર્યા હતા. દેખાવકારોના હાથમાં બે બેનર હતાં, એના પર લખ્યું હતું. UWW અમારી કુશ્તીને આ ત્રણ પહેલવાનોથી બચાવો.
વિડંબના એ છે કે આશરે એક વર્ષ પહેલાં એ વિરોધ સ્થળે ટોચના ત્રણ પહેલવાનોને પોતાના ઉદ્દેશ માટે ભારે ટેકો સાંપડ્યો હતો, જ્યારે તેમણે ભૂતપૂર્વ WFI પ્રમુખ બ્રિજભૂષણ શરણ સિંહ પર મહિલા પહેલવાનોના યૌન ઉત્પીડનનો આરોપ લગાવ્યા પછી તેમની ધરપકડની માગ કરી હતી. ખેડૂતોના જૂથો, સામાજિક કાર્યકર્તાઓ, રાજકારણીઓ, મહિલા જૂથો અને કુશ્તીના સભ્યો સહિત સમાજના વિવિધ વર્ગોના હજારો લોક મલિક, ફોગાટ અને પૂનિયાના ટેકામાં ઊતરી આવ્યા હતા.
હવે આ ત્રણે પહેલવાનોને પોતાના સમાજની અંદરથી વિરોધનો સામનો કરો પડી રહ્યો છે અને જંતર-મંતર પર એકત્ર થયેલા લોકોએ તેમના પર કેરિયર ખતમ કરવાનો આરોપ લગાવ્યો છે. જાન્યુઆરી, 2023થી રાષ્ટ્રીય શિબિર અને સ્પર્ધા અટકેલી છે, કેમ કે WFIને બે વાર સસ્પેન્ડ કરી દેવામાં આવી છે અને એક પેનલ રમતનું સંચાલન કરી રહી છે.
