કાન્નૂરઃ કેરળ રાજ્યના ઉત્તર ભાગમાં આવેલા કાન્નૂર જિલ્લાની પોલીસે ક્રિકેટર એસ. શ્રીસાન્ત તથા બીજા બે જણ સામે છેતરપિંડીની ફરિયાદ નોંધી છે. આ ફરિયાદીએ એવો આરોપ મૂક્યો છે કે શ્રીસાન્ત તથા રાજીવ કુમાર અને વેંકટેશ કિણી નામના અન્ય બે જણે 2019ની 25 એપ્રિલથી અલગ અલગ તારીખોએ એવો દાવો કરીને પોતાની પાસેથી રૂ. 18.70 લાખની રકમ લીધી હતી કે તેઓ કર્ણાટકના કોલૂરમાં એક સ્પોર્ટ્સ એકેડેમી બાંધશે, જેમાં શ્રીસાન્ત ભાગીદાર હશે.
સરીશ ગોપાલન નામના ફરિયાદે કહ્યું છે કે એકેડેમીમાં પોતાને પણ ભાગીદાર બનાવવાની તકની ઓફર કરાયા બાદ પોતે એમાં પૈસા ઈન્વેસ્ટ કર્યા હતા. પોલીસે શ્રીસાન્ત તથા અન્ય બે જણ સામે ભારતીય ફોજદારી કાયદાની કલમ 420 (છેતરપિંડી) હેઠળ ફરિયાદ નોંધી છે.
