નવી દિલ્હી: દેશની સ્ટાર ખેલાડી સાયના નેહવાલ બેડમિન્ટનમાં ધૂમ મચાવ્યા પછી હવે રાજકીય ઈનિંગ ખેલવા માટે તૈયાર છે. સાયના નેહવાલ આજે સત્તાવાર રીતે ભાજપમાં જોડાઈ હતી. સાયનાએ કહ્યું કે, ભાજપમાં જોડાવાનું મુખ્ય કારણ છે વડાપ્રધાન મોદી, જેનાથી મને પ્રેરણા મળે છે. સાયનાની સાથે તેમની મોટી બહેને પણ ભગવો ધારણ કર્યો.
વડાપ્રધાન મોદીથી મળે છે પ્રેરણા
ભાજપમાં સામેલ થયા પછી સાયનાએ કહ્યું કે, દેશ માટે સારુ કામ કરી રહેલી પાર્ટી સાથે જોડાઈને હું ઘણી ખુશ છું. મોદીજી દિવસ રાત કામ કરે છે જેથી તેની સાથે કામ કરવાની મજા આવશે. મોદીએ સ્પોર્ટ્સને ઘણુ મહત્વનું આપ્યું છે. ખેલો ઈન્ડિયાની પહેલ એક ઉમદા કાર્ય છે.
નેહવાલે નવી દિલ્હીમાં ભાજપનો ભગવો ધારણ કર્યો. ભાજપના રાષ્ટ્રીય મહાસચિવ અરુણ સિંહે સાયનાને ભગવો પહેરાવ્યો. સાયના પહેલા પણ અનેક ખેલાડીઓએ ભાજપમાં જોડાયા છે. જેમાં પૂર્વ ક્રિકેટર ગૌતમ ગંભીર, રેસરલ યોગેશ્વર દત્ત અને બબિતા ફોગાટ જેવા મોટા ચહેરાઓ સામેલ છે.
સાયનાન બેડમિન્ટન કેરિયર પર નજર નાખીએ તો તેમણે 22 સુપર સીરીઝ અને ગ્રાન્ડ પ્રિક્સ ખિતાબ જીત્યા છે. આ ઉપરાંત સાયનાએ 2012ના લંડન ઓલમ્પિકમાં બ્રોન્ઝ મેડલ જીત્યું હતું આવુ કરનાર સાયના દેશની પ્રથમ મહિલા શટલર બની હતી. આ ઉપરાંત સાયના વર્લ્ડ નંબર વન પણ રહી ચૂકી છે. તે મહિલા સિંગલ્સ રેકિંગમાં 23 મે 2015ના રોજ વર્લ્ડ ચેમ્પિયન બની હતી. તે આ સફળતા મેળવનારી પ્રથમ ભારતીય મહિલા બેડમિન્ટન ખેલાડી છે.
