મેલબર્નઃ ઓસ્ટ્રેલિયાના પસંદગીકારોએ ભારતીય ક્રિકેટ ટીમ સામે ઘરઆંગણે રમાનાર આગામી ટેસ્ટ સિરીઝ માટે પોતાની ટીમની આજે જાહેરાત કરી છે. ચાર ટેસ્ટ મેચોની શ્રેણી માટે ટીમ પેનની આગેવાની હેઠળ ઓસ્ટ્રેલિયાના 17-ખેલાડીઓની ટીમમાં 22-વર્ષીય બેટ્સમેન વિલ પુકોવ્સ્કી નવો ચહેરો છે. ફાસ્ટ બોલર પેટ કમિન્સને વાઈસ-કેપ્ટન જાહેર કરવામાં આવ્યો છે.
પસંદગીકારોની સમિતિના ચેરમેન ટ્રેવર હોન્સે કહ્યું કે, અનેક સ્ટેન્ડઆઉટ ખેલાડીઓમાંથી કેમરન ગ્રીન અને વિલ પુકોવ્સ્કીને પસંદ કરવામાં આવ્યા છે. આ બંને ખેલાડી હાલ જોરદાર ફોર્મમાં છે. ભારત સામેની શ્રેણી રસપ્રદ રહેવાની ધારણા છે. પહેલી ટેસ્ટ 17 નવેમ્બરથી એડીલેડમાં રમાશે, જે ડે-નાઈટ હશે અને ગુલાબી રંગના બોલથી રમાશે.
આ છે ઓસ્ટ્રેલિયાની ટેસ્ટ ટીમઃ
શોન એબટ, જો બર્ન્સ, પેટ કમિન્સ, કેમરન ગ્રીન, જોશ હેઝલવુડ, ટ્રાવિસ હેડ, માર્નસ લેબુશેન, નેથન લિયોન, માઈકલ નેસર, ટીમ પેન (કેપ્ટન), જેમ્સ પેટિન્સન, વિલ પુકોવ્સ્કી, સ્ટીવ સ્મિથ, મિચેલ સ્ટાર્ક, મિચેલ સ્વેપ્સન, મેથ્યુ વેડ, ડેવિડ વોર્નર.
