મુંબઈઃ ઈન્ડિયન પ્રીમિયર લીગ (આઈપીએલ) સ્પર્ધામાં નવી ઉમેરાયેલી અમદાવાદની ટીમે પોતાના નામની આજે સત્તાવાર રીતે ઘોષણા કરી છે. નામ છેઃ અમદાવાદ ટાઈટન્સ. આ સપ્તાહાંતે નિર્ધારિત ખેલાડીઓની હરાજીના કાર્યક્રમ પૂર્વે અમદાવાદ ટીમના માલિકો – સીવીસી કેપિટલ્સ ગ્રુપે એમની ટીમનું નામ સત્તાવાર રીતે જાહેર કરી દીધું છે. ટીમના કેપ્ટન તરીકે હાર્દિક પંડ્યાને પસંદ કરવામાં આવ્યો છે.
આઈપીએલ સ્પર્ધામાં અત્યાર સુધી 8 ટીમ રમતી હતી. પરંતુ બે ટીમના ઉમેરા સાથે તેની સંખ્યા 10 થઈ છે. નવી ઉમેરાયેલી અન્ય ટીમ લખનઉની છે, જેનું નામ છે – લખનઉ સુપર જાયન્ટ્સ.
