કોંગ્રેસના પૂર્વ રાષ્ટ્રીય અધ્યક્ષ સોનિયા ગાંધીને દિલ્હીની સર ગંગારામ હોસ્પિટલમાં દાખલ કરવામાં આવ્યા હતા. આ માહિતી મળતાની સાથે જ કોંગ્રેસના તમામ નેતાઓ અને કાર્યકરોએ સોનિયાની તબિયત અંગે ચિંતા વ્યક્ત કરી હતી, જોકે બાદમાં સ્પષ્ટ થયું કે સોનિયા ગાંધીને રૂટિન ચેકઅપ હેઠળ હોસ્પિટલમાં દાખલ કરવા પડ્યા હતા. હવે આ અંગે હોસ્પિટલ દ્વારા એક નિવેદન પણ બહાર પાડવામાં આવ્યું છે. જેમાં સોનિયાને હોસ્પિટલમાં શા માટે આવવું પડ્યું અને તેમની સમસ્યા શું છે તે જણાવવામાં આવ્યું છે.
Sonia Gandhi admitted to Delhi hospital for treatment of respiratory infection
Read @ANI Story | https://t.co/aDIWWqwZbI#SoniaGandhi #respiratoryinfection #hospital #Delhi pic.twitter.com/u33RDPJTiH
— ANI Digital (@ani_digital) January 4, 2023
સર ગંગારામ હોસ્પિટલ દ્વારા જણાવવામાં આવ્યું છે કે “સોનિયા ગાંધીને આજે અમારી હોસ્પિટલમાં દાખલ કરવામાં આવ્યા છે. તેમને વાઇરલ રેસ્પિરેટરી ઇન્ફેક્શનની દેખરેખ અને સારવાર માટે ચેસ્ટ મેડિસિન વિભાગમાં દાખલ કરવામાં આવ્યા છે.” હોસ્પિટલના ચેરમેન (બોર્ડ ઓફ મેનેજમેન્ટ) ડો. અજય સ્વરૂપે આ માહિતી આપી હતી.
Delhi | UPA Chairperson Sonia Gandhi has been admitted to our hospital today. She has been admitted, to the Department of Chest Medicine, for observation and treatment of a viral respiratory infection: Dr Ajay Swaroop, Chairman (Board of Management), Sir Ganga Ram Hospital pic.twitter.com/1W8g5Mgtx5
— ANI (@ANI) January 4, 2023
તબિયત લથડતા રાહુલ-પ્રિયંકા દિલ્હી પરત ફર્યા
કોંગ્રેસના પૂર્વ અધ્યક્ષ સોનિયા ગાંધીને રૂટિન મેડિકલ ચેકઅપ માટે બુધવારે 4 જાન્યુઆરીએ સવારે હોસ્પિટલમાં દાખલ કરવામાં આવ્યા હતા. કોંગ્રેસના સૂત્રોએ જણાવ્યું હતું કે સોનિયા ગાંધીની પુત્રી પ્રિયંકા ગાંધી વાડ્રા હોસ્પિટલમાં દાખલ થવાના સમયે તેમની સાથે હાજર હતી. સૂત્રોએ જણાવ્યું કે સોનિયા ગાંધી શ્વસન સંક્રમણથી પીડિત છે. તેમની તબિયત એક દિવસ પહેલા કરતા થોડી વધુ ખરાબ હતી, જેના કારણે રાહુલ ગાંધી અને પ્રિયંકા ગાંધી ઉત્તર પ્રદેશમાં ‘ભારત જોડો યાત્રા’માં પ્રવેશવા માટે સાત કિલોમીટર ચાલીને મંગળવારે (3 જાન્યુઆરી) સાંજે દિલ્હી પરત ફર્યા હતા.
તમને જણાવી દઈએ કે કોંગ્રેસની ‘ભારત જોડો યાત્રા’ આજે સવારે 6 વાગ્યે બાગપતના માવી કલાનથી ફરી શરૂ થઈ. જોકે પ્રિયંકા ગાંધી બુધવારે સવારે રાહુલ ગાંધી સાથે પદયાત્રામાં જોડાયા ન હતા. સોનિયાની તબિયત ઠીક થયા બાદ પ્રિયંકા ફરી એકવાર યુપીમાં ચાલી રહેલી ભારત જોડો યાત્રામાં સામેલ થઈ શકે છે.
