અમદાવાદઃ આજે દીકરીઓ તમામ ક્ષેત્રમાં દીકરાઓ સાથે પગથી પગ મેળવીને ચાલી રહી છે. હાલમાં જ અમદાવાદની દીકરીએ કમાલ કરી છે. અમદાવાદની રિતિશા પરીખે બુધવારે અમદાવાદ ખાતે યોજાયેલ રાજ્ય કક્ષાની ફિન સ્વિમિંગ સ્પર્ધામાં બે સ્લિવર મેડલ જીત્યા છે. આ જીત સાથે જ રિતિશા રાષ્ટ્રીય સ્વિમિંગ ટુર્નામેન્ટ માટે ક્વોલિફાય થઇ ગઈ છે.
રાષ્ટ્રીય ટુર્નામેન્ટ માટે ક્વોલિફાય થઇ
રિતિશાએ 50 મીટર અને 100 મીટરની રાજ્ય કક્ષાની ફિન સ્વિમિંગ સ્પર્ધામાં જૂનિયર કેટેગરીમાં બે સિલ્વર મેડલ જીતીને રાષ્ટ્રીય ટુર્નામેન્ટ માટે ક્વોલિફાય થઇ છે. તાજેતરમાં જ રિતિશાએ અમદાવાદ ડિસ્ટ્રિક્ટ ફિન સ્વિમિંગ ટુર્નામેન્ટમાં બાય-ફિનિ સ્વિમિંગ જૂનિયર ગ્રૂપ બી કેટગરીમાં 50 અને 100 મીટરમાં જીત મેળવી હતી અને રાજ્યકક્ષાની સ્પર્ધા માટે ક્વોલિફાય થઇ હતી. પાણીની અંદર સ્વિમિંગ સામાન્ય સ્વિમિંગ કરતા અલગ હોય છે. તેમાં સ્નોર્કલ્સ અને મોનો અને બાય ફિન્સનો ઉપયોગ કરવામાં આવે છે.
