મુંબઈ: ભારતની સ્ટાર બેડમિન્ટન ખેલાડી પી.વી. સિંધુ ટૂંક સમયમાં લગ્નના તાંતણે બંધાવા જઈ રહી છે. તે હાલમાં જ ટીમ ઈન્ડિયાના મહાન ક્રિકેટર સચિન તેંડુલકરના ઘરે પહોંચી હતી. સિંધુએ સચિનને લગ્ન માટે આમંત્રણ આપ્યું છે. સિંધુ સાથે તેના ભાવિ પતિ વેંકટ દત્તા સાઈ પણ પહોંચ્યા હતા. સચિને સિંધુને શુભેચ્છા આપતા સોશિયલ મીડિયા પોસ્ટ શેર કરી છે. તેમાં એક ફોટો પણ લગાવેલ છે. સિંધુ 22 ડિસેમ્બરે લગ્ન કરશે.
In badminton, the score always starts with ‘love’, & your beautiful journey with Venkata Datta Sai ensures it continues with ‘love’ forever! ♥️🏸
Thank you for personally inviting us to be a part of your big day. Wishing you both a lifetime of smashing memories & endless rallies… pic.twitter.com/kXjgIjvQKY— Sachin Tendulkar (@sachin_rt) December 8, 2024
સિંધુ ભારતની સ્ટાર ખેલાડી છે. તેના પરિવારે તાજેતરમાં જ લગ્નની પુષ્ટિ કરી હતી. સિંધુની મેચના શેડ્યૂલને ધ્યાનમાં લેતા તેમાં થોડો ફેરફાર થઈ શકે છે. હાલમાં લગ્નની તારીખ 22મી ડિસેમ્બર છે. આ પછી 24મી ડિસેમ્બરે રિસેપ્શનનું આયોજન કરવામાં આવ્યું છે. સિંધુના લગ્ન હૈદરાબાદમાં થશે. તેના ભાવિ પતિ વેંકટ દત્ત સાઈ એક કંપનીના એક્ઝિક્યુટિવ ડિરેક્ટર છે.
