ભારતના ચંદ્રયાન-3 મિશનના પ્રજ્ઞાન રોવર દ્વારા ચંદ્રની સપાટી પર સંશોધન કરવાનો નવો વીડિયો સામે આવ્યો છે. આ વીડિયોમાં રોવર શોધખોળ કરવાને બદલે તોફાની બાળકની જેમ મસ્તી કરતું જોવા મળે છે. ચંદ્રયાનના વિક્રમ લેન્ડરમાંથી રોવર ગોળ ગોળ ફરતા હોવાનો વીડિયો લેવામાં આવ્યો છે. ઈસરોએ આ વીડિયો તેના સત્તાવાર X એકાઉન્ટ (અગાઉના ટ્વિટર) પર શેર કર્યો હતો. જે જોતા જ વાયરલ થઈ ગયો હતો. ચંદ્રયાન મિશન રોવરની આ તોફાની શૈલી લોકોને ખૂબ પસંદ આવી રહી છે.
Chandrayaan-3 Mission:
The rover was rotated in search of a safe route. The rotation was captured by a Lander Imager Camera.It feels as though a child is playfully frolicking in the yards of Chandamama, while the mother watches affectionately.
Isn’t it?🙂 pic.twitter.com/w5FwFZzDMp— ISRO (@isro) August 31, 2023
ઈસરોએ 24 સેકન્ડના આ વીડિયો સાથે સોશિયલ મીડિયા પર લખ્યું, ‘રોવરને સુરક્ષિત માર્ગની શોધમાં ફેરવવામાં આવ્યું હતું. આ પરિભ્રમણ લેન્ડર ઈમેજર કેમેરા દ્વારા કેદ કરવામાં આવ્યું હતું. એવું લાગે છે કે જાણે કોઈ બાળક ચાંદામામાના આંગણામાં મસ્તી કરી રહ્યું છે અને માતા પ્રેમથી જોઈ રહી છે. ચંદ્રયાન-3 એ 23 ઓગસ્ટે ચંદ્રના દક્ષિણ ધ્રુવ પર સફળ લેન્ડિંગ કર્યું હતું. આ સાથે ભારત ચંદ્ર પર ઉતરનાર વિશ્વનો ચોથો દેશ બની ગયો છે. ભારત દક્ષિણ ધ્રુવ પર ઉતરનાર પ્રથમ દેશ છે. ચંદ્રયાન-3 વિક્રમ લેન્ડરની મદદથી ચંદ્ર પર ઉતર્યું. પ્રજ્ઞાન રોવર હવે વિક્રમ લેન્ડરમાંથી બહાર આવી રહ્યું છે અને ચંદ્ર પર તપાસ કરી રહ્યું છે. એક દિવસ પહેલા, એવું જાણવા મળ્યું છે કે રોવરને ચંદ્રના દક્ષિણ ધ્રુવ પર ઓક્સિજન અને સલ્ફરની હાજરી મળી છે.
