વડાપ્રધાન નરેન્દ્ર મોદી 20 જાન્યુઆરીએ વીડિયો કોન્ફરન્સિંગ દ્વારા રોજગાર મેળા હેઠળ 71 હજાર યુવાનોને નિમણૂક પત્રો આપશે આ પ્રસંગે તેઓ નોકરી મેળવતા યુવાનોને પણ સંબોધિત કરશે. વડા પ્રધાન કાર્યાલયે ગુરુવારે આ માહિતી આપી.
પીએમઓએ કહ્યું કે આ રોજગાર મેળો રોજગાર સર્જનને સર્વોચ્ચ અગ્રતા આપવાની વડાપ્રધાનની પ્રતિબદ્ધતાને પૂર્ણ કરવાની દિશામાં એક મહત્વપૂર્ણ પગલું છે. તેમણે કહ્યું કે જોબ ફેર રોજગાર નિર્માણમાં ઉત્પ્રેરક તરીકે કામ કરશે અને યુવાનોને તેમના સશક્તિકરણ અને રાષ્ટ્રીય વિકાસમાં ભાગીદારી માટે અર્થપૂર્ણ તકો પ્રદાન કરશે.
આ અભિયાન હેઠળ કેન્દ્ર સરકાર દ્વારા 10 લાખ યુવાનોને સરકારી નોકરી આપવામાં આવશે. દેશભરના યુવાનોને જુનિયર એન્જિનિયર, લોકો પાઈલટ, ટેકનિશિયન, ઈન્સ્પેક્ટર, સામાજિક સુરક્ષા અધિકારીઓ, શિક્ષકો, નર્સો, આવકવેરા અધિકારીઓ જેવા વિવિધ સરકારી વિભાગોમાં નિમણૂક આપવામાં આવશે.
આ કાર્યક્રમ દરમિયાન, નવનિયુક્ત કર્મચારીઓ કર્મયોગી પ્રરંભ મોડ્યુલ અંગેના તેમના અનુભવો પણ શેર કરશે. કર્મયોગી પ્રરંભ મોડ્યુલ એ વિવિધ સરકારી વિભાગોમાં નવા ભરતી થયેલા તમામ કર્મચારીઓ માટે ઓનલાઈન ઇન્ડક્શન કોર્સ છે. આમાં સરકારી કર્મચારીઓ માટે આચારસંહિતા, કાર્યસ્થળની નૈતિકતા, અખંડિતતા અને માનવ સંસાધન નીતિઓનો સમાવેશ થાય છે.
