ગુજરાત સાયન્સ સિટી, અમદાવાદ ખાતે અમેરિકન ઇન્ડિયા ફાઉન્ડેશન દ્વારા મોબીક્વિટી સોફ્ટોનિક પ્રાઇવેટ લિમિટેડના સહયોગથી “પિકો સેટેલાઇટ અને ડ્રોન લોન્ચ ઇવેન્ટ” નું આયોજન કરવામાં આવ્યું હતું. આ ઈવેન્ટ તા.૨૫/૦૪/૨૦૨૩ થી ૨૭/૦૪/૨૦૨૩ સુધી યોજવામાં આવી હતી. મળતી માહિતી મુજબ આ ઇવેન્ટમાં અમદાવાદની 10 સરકારી શાળાઓનાં 100 બાળકોએ ભાગ લીધો હતો.
આ ત્રણ દિવસીય ઈવેન્ટમાં બાળકોને ડ્રોન બનાવવું, ડ્રોન સીમ્યુલેશન, 3ડી ડિઝાઇનીંગ અને સેન્સર્સ વિશે ઇન્ડિયન સ્પેસ ઇન્ડસ્ટ્રી એક્સહિબિટર્શ (ISIE), આઇઆઇટીરેમ અને અમેરિકન ઇન્ડિયા ફાઉન્ડેશન (AIF) નાં નિષ્ણાતોએ બાળકોને વિસ્તારપૂર્વક જાણકારી આપી હતી.
આ ઇવેન્ટમાં ગુજરાત સાયન્સ સિટી, અમદાવાદનું મહત્વપૂર્ણ યોગદાન રહ્યું. આ ઇવેન્ટની શરૂઆતમાં આદરણીય ડૉ. ટી.એસ.જોષી (પૂર્વ જીસીઈઆરટી ડાયરેક્ટર) એ આવીને બાળકોનું મનોબળ વધાર્યું હતું. ત્રણ દિવસીય કાર્યક્રમના સમાપન સમારોહમાં આદરણીય મહેશ મહેતા (સચિવ, સમગ્ર શિક્ષા અભિયાન), ડૉ. વ્રજેશ પરીખ (જનરલ મેનેજર ,સાયન્સ સિટી), ડૉ. હાર્દિક ગોહેલ (આસિસ્ટન્ટ જનરલ મેનેજર, સાયન્સ સિટી), પૂર્વ ઈસરો વૈજ્ઞાનિકો, મોબીક્વિટી ટીમ અને શંકર દયાલ શર્મા (પ્રોજેક્ટ ડાયરેક્ટર, દીપશાળા ડીઈ, એઆઈએફ) એ અતિથિનાં રૂપમાં આવીને બાળકોનું મનોબળ વધાર્યું હતું અને ડ્રોન લોન્ચ ઇવેન્ટ નિહાળી હતી.
