બાંગ્લાદેશમાં બગડતી પરિસ્થિતિ પર આજે સંસદ ભવનમાં સર્વપક્ષીય બેઠક યોજાઈ હતી. વિદેશ મંત્રી એસ જયશંકરે ત્યાંની સ્થિતિ અને ભારતની સ્થિતિ વિશે માહિતી આપી છે. વિદેશ મંત્રીએ આજે સંસદમાં પણ આ મુદ્દે સ્થિતિ વિશે માહિતી આપી હતી. બાંગ્લાદેશ હિંસામાં 300 થી વધુ લોકોના મોત થયા છે અને પરિસ્થિતિ ખરાબથી વધુ ખરાબ થઈ ગઈ છે.
Suo-moto statement in Rajyasabha on the situation in Bangladesh. https://t.co/ceM41AEATE
— Dr. S. Jaishankar (@DrSJaishankar) August 6, 2024
બાંગ્લાદેશમાં જુલાઈથી હિંસા ચાલુ
વિદેશ મંત્રી એસ જયશંકર બાંગ્લાદેશ હિંસા અંગે કહ્યું કે, બાંગ્લાદેશમાં જુલાઈથી હિંસા ચાલુ છે. સુપ્રીમ કોર્ટના નિર્ણય બાદ હિંસા થઈ હતી. વિદેશ મંત્રીએ કહ્યું કે પ્રદર્શનકારીઓનો એકમાત્ર એજન્ડા શેખ હસીનાને સત્તા પરથી હટાવવાનો હતો. શેખ હસીનાએ થોડા સમય માટે ભારતમાં રહેવાની વિનંતી કરી હતી. હિંસા બાદ શેખ હસીનાએ રાજીનામું આપી દીધું છે. તેમણે કહ્યું કે ભારત સરકાર આર્મી ચીફના સંપર્કમાં છે. અમે આશા રાખીએ છીએ કે જે સરકાર હવે પ્રભારી છે તે ભારતીય હાઈ કમિશન અને અમારા લોકોને સુરક્ષા પ્રદાન કરશે. જ્યારે જયશંકર રાજ્યસભામાં બોલી રહ્યા હતા ત્યારે ઢાકાના હિંદુ સમુદાયના નેતાએ કહ્યું કે તેમના વિસ્તારોમાં હુમલા થઈ રહ્યા છે.
Suo-moto statement in Loksabha on the situation in Bangladesh. https://t.co/2I1fPt2cGT
— Dr. S. Jaishankar (@DrSJaishankar) August 6, 2024
બાંગ્લાદેશની સ્થિતિ પર બોલતા વિદેશ મંત્રી ડૉ એસ જયશંકરે કહ્યું, ‘અમારી સમજણ એ છે કે સુરક્ષા એજન્સીઓના વડાઓ સાથેની બેઠક બાદ શેખ હસીનાએ સ્પષ્ટપણે વડાપ્રધાન પદ પરથી રાજીનામું આપવાનો નિર્ણય લીધો છે. ખૂબ જ ઓછા સમયમાં તેણે થોડા સમય માટે ભારત આવવાની પરવાનગી માંગી. તે ગઈકાલે સાંજે દિલ્હી પહોંચી હતી.
