નવી દિલ્હીઃ દેશના ઉત્તરના ભાગમાં સતત વરસાદ થવાના કારણે ઠંડીમાં ઘટાડો થયો નથી. આ સાથે જ ઉત્તરાખંડ, હિમાચલ પ્રદેશ અને જમ્મૂ કાશ્મીરના ઉંચાઈ વાળા ક્ષેત્રોમાં બરફ વર્ષા થઈ છે અને રાષ્ટ્રીય રાજધાની સહિત પંજાબ અને હરિયાણાના મેદાની વિસ્તારોમાં વરસાદ થયો છે. હવામાન વિભાગે ભારતના ઉત્તર પશ્ચિમી ક્ષેત્રોના પર્વતીય વિસ્તારોમાં વરસાદ અને બરફવર્ષાનું અનુમાન લગાવવામાં આવ્યું. વિભાગે ભારે બરફવર્ષા અથવા વિજળી કડકવાની સાથે વરસાદ થવાની અને બરફ વર્ષાનું અનુમાન લગાવ્યું છે. 
હવામાન વિભાગના એક અધિકારીએ જણાવ્યું કે, સવારે 8.30 વાગ્યે ન્યૂનતમ તાપમાન 10.5 ડિગ્રી સેલ્સિયસ નોંધવામાં આવ્યું કે જે સામાન્યથી બે ડિગ્રી વધારે હતું. જમ્મૂ કાશ્મીરના ઉંચાઈ વાળા ક્ષેત્રોમાં તાજેતરમાં બરફવર્ષા થઈ જ્યારે મેદાની પ્રદેશોમાં વરસાદ થયો છે. શ્રીનગરમાં ન્યૂનતમ તાપમાન શૂન્યથી 0.6 ડિગ્રી સેલ્સિયસલ નીચે નોંધવામાં આવ્યું. આ સિવાય ઔલી, બદ્રીનાથ, હેમકુંડ સાહેબ, નંદા દેવી જૈવ સહિતના ક્ષેત્રો બરફથી ઢંકાઈ ગયા છે.
હિમાચલ પ્રદેશમાં શિમલા, કુફરી, મનાલી અને ડલહૌજી સહિતના ક્ષેત્રોમાં તાજેતરમાં બરફવર્ષાને લઈને મહત્તમ તાપમાન ચારથી પાંચ ડિગ્રી સેલ્સિયસ નોંધાવામાં આવ્યું. હવામાન વિભાગના ડાયરેક્ટર મનમોહન સિંહે કહ્યું કે રાજ્યની રાજધાનીમાં સવારે 8.30 વાગ્યાથી સાંજે 5.30 વાગ્યા સુધી બે સેન્ટિમીટર બરફવર્ષા નોંધવામાં આવી. પંજાબ અને હરિયાણાના કેટલાય વિસ્તારોમાં વરસાદ પડ્યો. હવામાન વિભાગના અધિકારીએ કહ્યું કે, કેન્દ્રા શાસિત પ્રદેશ ચંદીગઢમાં 2.5 મિલીમીટર વરસાદ થયો અને તાપમાન 12.1 ડિગ્રી સેલ્સિયસ નોંધવામાં આવ્યું.
