પ્રયાગરાજઃ ઉત્તર પ્રદેશ લોક સેવા પંચ (UPPSC) દ્વારા PCS પ્રી અને RO ARO પરીક્ષાને બે દિવસને પૂરી કરાવવાના નિર્ણયની વિરુદ્ધ પ્રયાગરાજમાં વિદ્યાર્થીનું આંદોલન સતત ત્રીજા દિવસે પણ જારી છે. પ્રદર્શનકારીઓએ પોતાની વાત પંચ સુધી પહોંચાડવા માટે પંચની ઓફિસ પહોંચવાનો પ્રયાસ કર્યો હતો.
આ વિદ્યાર્થીઓએ પોલીસની બેરિકેડિંગને તોડતાં અંદર ઘૂસવાના પ્રયાસ કર્યા હતા. આ દેખાવો દરમ્યાન પોલીસે ભીડને નિયંત્રિત કરવા માટે બેરિકેડિસ લગાવ્યા હતા, પરંતુ વિદ્યાર્થીઓ એને તોડતાં પંચની મુખ્ય ઓફિસ સુધી પહોંચી ગયા હતા. ચોથા દિવસની સવારે વિદ્યાર્થીઓ પંચની બહાર વિવિધ માગોને લઈને સૂત્રોચ્ચાર કરી રહ્યા છે. આ દેખોવામાં વિદ્યાર્થીઓએ પંચની ઓફિસની બહાર પૂરી રાત વિવિધ માગ મૂકી રહ્યા હતા. પોલીસ અને વિદ્યાર્થીઓની વચ્ચે ઘર્ષણની સ્થિતિ ત્યારે બની, જ્યારે પોલીસે કેટલાક દેખાવકારોને જબરદસ્તી હટાવવાના પ્રયાસ કર્યા હતા, જેનાથી અફરાતફરી મચી હતી.
એક પ્રદર્શનકારીએ કહ્યું હતું કે સિવિલ ડ્રેસમાં આવેલા પોલીસ કર્મચારીઓ કેટલાક વિદ્યાર્થીઓને જબરદસ્તી પકડીને લઈ ગયા હતા. આ પહેલાં પોલીસે 11 વિદ્યાર્થીઓને અટકાયતમાં લીધા હતા. તેઓ બધા કોચિંગની લાઇબ્રેરીને જબરદસ્તી બંધ કરાવી રહ્યા હતા. એક તરફ પોલીસ પગલાં લઈ રહી હતી, ત્યારે મોટી સંખ્યામાં વિદ્યાર્થીઓ ધરણાં કરી રહ્યા હતા. પોલીસે બધા 11 લોકોને શાંતિ ભંગની ધારાઓમાં ચલણ ભરી રહી હતી. વિદ્યાર્થીઓને ACP કોર્ટમાંથી જામીન પર છૂટા કરવામાં આવશે.
વિદ્યાર્થીઓ આ પરીક્ષાઓ એક દિવસમાં અને એક જ શિફ્ટમાં કરાવવાની માગ કરી રહ્યા છે, જ્યારે વહીવટી તંત્ર બે દિવસમાં બે શિફ્ટમાં પરીક્ષા કરાવવા પર ભાર મૂકી રહી છે.
