હરિદ્વારઃ દેશમાં કોરોનાવાઈરસ રોગચાળાના કેસ ખૂબ જોખમી રીતે વધી જતાં અત્રે યોજાઈ રહેલા કુંભમેળા-2021ને પ્રતીકાત્મક રાખીને એનો વહેલો અંત લાવી દેવાની વડા પ્રધાન નરેન્દ્ર મોદીએ આજે વિનંતી કર્યાના થોડા જ કલાકો બાદ એક અગ્રગણ્ય સંતે જાહેરાત કરી છે કે પોતે કુંભમેળા મહોત્સવનો વહેલું સમાપન કરી દીધું છે. કુંભમેળો ગઈ 1 એપ્રિલથી શરૂ થયો હતો અને 30 એપ્રિલ સુધી ચાલવાનો છે, પરંતુ જૂના અખાડાના સ્વામી અવધેશાનંદ ગિરિએ તેનો વહેલો અંત લાવી દીધો છે.
સ્વામી અવધેશાનંદ ગિરિએ હિન્દીમાં ટ્વીટ કર્યું છે કે ભારતની જનતા અને એના જીવનનું રક્ષણ કરવું અમારી પહેલી પ્રાથમિકતા છે. કોરોના મહામારીના વધી ગયેલા પ્રકોપને ધ્યાનમાં લઈને અમે કુંભના અવાહિત સમસ્ત દેવતાઓનું વિધિવત્ વિસર્જન કરી દીધું છે. જૂના અખાડા તરફથી આ કુંભનું વિધિવત્ વિસર્જન-સમાપન. તેમણે એક વિડિયો સંદેશમાં અન્ય સંતોને પણ અપીલ કરી છે કે તેઓ વડા પ્રધાન મોદીની સલાહને માને અને બાકીના બે શાહી સ્નાનમાં માત્ર પ્રતીકાત્મક રીતે જ ભાગ લે.
भारत की जनता व उसकी जीवन रक्षा हमारी पहली प्राथमिकता है। #कोरोना महामारी के बढ़ते प्रकोप को देखते हुए हमने विधिवत कुम्भ के आवाहित समस्त देवताओं का विसर्जन कर दिया है। #जूनाअखाड़ा की ओर से यह कुम्भ का विधिवत विसर्जन-समापन है।@narendramodi @AmitShah@ANI @z_achryan @TIRATHSRAWAT pic.twitter.com/rOUaqL1egU
— Swami Avdheshanand (@AvdheshanandG) April 17, 2021
