જયપુરઃ રાજસ્થાનના ટોંકમાં દેવલી-ઉનિયારા વિધાનસભા સીટ પર પેટા ચૂંટણી માટે મતદાન થયું હતું. એ દરમ્યાન અપક્ષ ઉમેદવાર નરેશ મીણાએ પહેલા SDMનો કોલર પકડ્યો હતો અને પછી લાફો માર્યો હતો. નરેશ મીણાનો આરોપ હતો કે EVM મશીન પર તેમનું ચૂંટણી ચિહ્ન ઝાખું દેખાતું હતું, એને કારણે મીણાની SDMથી ચડસાચડસી થઈ હતી.એ ઘટના પર જ્યારે મીણાને પોલીસ પકડીને લઈ ગઈ, ત્યારે સમરાવતા ગામના લોકોએ પોલીસ પર હુમલો કરી દીધો હતો. પોલીસની ગાડીને આગના હવાલે કરી દેવામાં આવી હતી. પોલીસ પર પથ્થરમારો કરવામાં આવ્યો એના જવાબમાં પોલીસે પણ હવાઈ ફાયરિંગ કર્યું હતું. હવે પોલીસે મીણાની ધરપકડ કરી છે.
રાજસ્થાનના ટોંક જિલ્લામાં ગઈ કાલ મતદાન દરમિયાન ચાલેલા હાઈવોલ્ટેજ ડ્રામા અને અથડામણ માટે જવાબદાર અપક્ષ ઉમેદવાર નરેશએ આ ઘટના માટે SDM અને પોલીસને જવાબદાર ઠેરવી જિલ્લાના એસપી, કલેક્ટર અને એસડીએમ વિરુદ્ધ કાર્યવાહીની માગ કરી છે.
શું હતી ઘટના
ગઈ કાલે ટોંક જિલ્લાના સમરાવતા ગામના લોકોએ તેમના ગામને ઉનિયારા તાલુકામાં આવરી લેવાની માગ સાથે ચૂંટણીનો બહિષ્કાર કર્યો હતો, જેને મીણા સમર્થન આપી રહ્યા હતા. જોકે SDM અમિત ચૌધરી લોકોને મતદાન કરવા અપીલ કરી રહ્યા હોવાથી મીણાએ વિરોધ કરતાં તેમને લાફો ઝીંકી દીધો હતો. અને બાદમાં સાથીઓ સાથે મળી તોડફોડ કરી હતી.
SDMને લાફો ઝીંક્યા બાદ નરેશ અને તેના સાથીઓએ હિંસક દેખાવો કર્યા હતા. જોકે મીણાએ આ ઘટના માટે પોલીસને જ જવાબદાર ઠેરવી છે. તેમણે કહ્યું હતું કે પોલીસે મારા સાથી મિત્રો અને કાર્યકરોને માર્યા હતા. ગ્રામજનોને પણ માર્યા હતા. ટિઅર ગેસના ગોળા છોડ્યા તેમજ મરચાંના બોમ્બ પણ ફેંક્યા હતા.
ऐसे नेता को विधायक बनने का कोई अधिकार नहीं है !
अभी इतनी गर्मी है, विधायक बनने के बाद ओर क्या क्या करेगा , इस तरह के उग्रवादी को mla बनाने का कोई मतलब नहीं।#Arrest_Naresh_Meena pic.twitter.com/oXkWVlBFq5— Dr. Gani Singh Chandrawat (@ganichandrawat) November 13, 2024
નરેશે આ સમગ્ર ઘટના અંગે કલેક્ટરને જવાબદાર ઠેરવ્યા છે. તેમણે કહ્યું હતું કે સવારે સાત વાગ્યાથી અમને કોઈ સાંભળી રહ્યુ ન હતું. પોલીસ પણ જવાબ આપી રહી ન હતી. કલેક્ટર તો 45 કિમી દૂર મહેંદી લગાવી બેઠા હતા. કલેક્ટર આવી જતાં આ તો ઘટના ન બનતી. ઉલ્લેખનીય છે કે મતદાન બૂથ પર નરેશ તેમના સાથીઓ સાથે લાઠી-ડંડાઓ લઈને આવ્યા હતા.
