નવી દિલ્હીઃ જ્યાં ચાહ છે, ત્યાં રાહ છે. ફરવાનો શોખ હોય તો ખિસ્સાંમાં પૈસા હોવા જરૂરી છે. કંઈક આવું જ એક કપલને ફરવા જવાનો બહુ શોખ હતો. તેણે આ શોખને લાઇફસ્ટાઇલ બનાવી દીધો. છેલ્લાં પાંચ વર્ષની આ કપલ વિશ્વનાં ચક્કર લગાવી રહ્યું છે. આશ્ચર્યની વાત એ છે કે આ કપલે આજસુધી ફ્લાઇટની ટિકિટ નથી લીધી અને ના તો હોટેલ બુક કરી.
માર્કો અને ફ્રેન- બંનેને ફરવાનો બહુ શોખ છે. એના માટે તેમણે નોકરી છોડી દીધી, આ બંનેની મુલાકાત ટ્રાવેલ દરમ્યાન થઈ હતી. માર્કો શિકાગોમાં રહેતા એક્સચેન્જરમાં કામ કરી રહ્યો હતો. જ્યારે ફ્રેન આર્જેન્ટિનામાં ઇન્ટર્નશિપ કરી રહી હતી. એક વર્ષ સુધી બંને રિલેશનશિપમાં રહ્યાં. આ બંને જ્યારે પણ ડેટ્સ પર જતા હતાં, ત્યારે તેઓ ભારત, થાઇલેન્ડ, બ્રાઝિલ અને આર્જેન્ટિના વગેરે દેશોમાં મળતા હતાં.
માર્કો અને ફ્રેન વિદેશ ફરવા જવા માટે કંઈ ને કંઈ જુગાડ કરી લેતાં હતા, ત્યારે તેમને સોશિયલ મિડિયા પરથી કેટલીક રીલ જોઈને વિદેશ ફરવા જવાનો નવો જુગાડ મળ્યો. તેમણે હાઉસ સિટિંગનું કામ- કોઈ પણ ઘરની સારસંભાળ લેવાનું કામ કરવા માંડ્યા. જેથી તેમણે Trustedhousesitters.com પર કપલે પ્રોફાઇલ બનાવી. એ પછી તેમને 15 દિવસમાં અલાસ્કામાં એક ઘરની દેખરેખ રાખવા માટે કામ મળ્યું.
બંને જણે એ પછી ઘર બુક કરવાનું શરૂ કરી દીધું. આ એપથી તેમણે વિશ્વનાં અન્ય શહેરોનાં ઘરોમાં હાઉસ સિટ કરવાની તક મળી રહી છે. આ કપલ અત્યાર સુધી 25 ઘરોની સારસંભાળ કરી ચૂક્યું છે. છેલ્લાં પાંચ વર્ષથી આ કપલ મફતમાં ફરી રહ્યું છે. કપલે ક્રેડિટ કાર્ડ પણ લીધું છે. તેમને ખબર પડી છે કે ક્રેડિટ કાર્ડ દ્વારા ટિકિટ મફતમાં મળી જાય છે.
