નવી દિલ્હી: દર વર્ષે 24 જાન્યુઆરીના દિવસને નેશનલ ગર્લ ચાઈલ્ડ ડે એટલે કે રાષ્ટ્રીય બાળકી દિવસ તરકી ઉજવાઈ છે. જેની પાછળનો ઉદ્દેશ્ય દેશની બાળકીઓને દરેક મામલે વધુને વધુ સહયોગ અને સુવિધા પૂરી પાડવાનો છે. આ સાથે સદીઓથી છોકરા-છોકરીઓ વચ્ચે રાખવામાં આવતા ભેદભાવને લઈને લઈને જાગૃતિ ફેલાવવાનો પણ ઉદેશ્ય છે. આપણા સમાજમાં છોકરીઓ આજથી નહીં પણ હંમેશાથી જીવના દરેક તબક્કે પક્ષપાતનો સામનો કરતી આવી છે, પછી તે શિક્ષણ હોય કાયદાકીય અધિકાર હોય, સ્વાસ્થ્ય સુવિધાઓ હોય કે પછી સુરક્ષા અને સન્માન આપવાની વાત હોય. નાની ઉંમરમાં છોકરીઓના લગ્ન કરવાની પ્રથાથી તેમનું બાળપણ છીનવાવાની સાથે એક રીતે તેમના સમગ્ર જીવનને હાસિયામાં ધકેલી દેવામાં આવે છે.
નેશનલ ગર્લ ચાઈલ્ડ ડે નો ઈતિહાસ
આ પહેલની શરુઆત 2008માં મહિલા અને બાળ વિકાસ મંત્રાલય ભારત સરકાર દ્વારા કરવામાં આવી હતી. રાષ્ટ્રીય સ્તર પર બાળકીઓના વિકાસને એક અભિયાનના રૂપમાં માનીને ભારત સરકારે નેશનલ ગર્લ ચાઈલ્ડ ડેની શરુઆત કરી છે. આ અભિયાનનો ઉદેશ્ય દેશભરના લોકોને છોકરીઓ પ્રત્યે જાગૃત કરવાનો છે. સાથે લોકોને એ અંગે પણ જાગૃત કરવાના કે, સમાજના નિર્માણમાં મહિલાઓનું પુરુષો જેટલું જ યોગદાન છે. આ અભિયાન હેઠળ માતા-પિતાની સાથે જ સમાજના તમામ તબક્કાના લોકોને સામેલ કરીને તેમને આ વાત માટે જાગૃત કરવામાં આવે છે કે, છોકરીઓ પાસે પણ નિર્ણય લેવાનો અધિકાર હોવો જોઈએ.
નેશનલ ગર્લ ચાઈલ્ડ હેઠળ દેશભરમાં અનેક કાર્યક્રમોનું આયોજન કરવામાં આવે છે. જેમાં બેટી બચાવો ઝૂંબેશ, યોગ્ય જાતિ ગુણોત્તર અને છોકરીઓ માટે સ્વસ્થ્ય તેમજ સુરક્ષિત માહોલ ઉભો કરવા જેવા કાર્યક્રમો સામેલ છે.
નેશનલ ગર્લ ચાઈલ્ડ ડે એટલા માટે ઉજવવામાં આવે છે જેથી સમાજમાં છોકરીઓની સ્થિતિ સુધરે અને તેમને એ દરેક તક અને સુવિધા મળે જે છોકરાઓને વગર કહ્યે મળતી હોય છે. સાથે જ તેમને નિર્ણય લેવાનો અધિકાર મળે. આ નિર્ણય ઘરના હોય કે પછી અંગત કેમ ન હોય. આ પ્રકારના કાર્યક્રમો થકી લોકોની એ વિચારસરણી બદલી શકાય જ્યાં છોકરી પહેલા અને છોકરાઓ પછી આવે છે. સશક્ત સમાજના નિર્માણ માટે છોકરીઓની બરાબર ભાગીદારી ખૂબ જ જરૂરી છે.
