નવી દિલ્હીઃ દિલ્હીના મુખ્ય મંત્રી કેજરીવાલનું બ્લડ શુગર વધ્યા પછી તેમને ઇન્સ્યુલિન આપવામાં આવ્યું હતું, એમ તિહાડ દેલના અધિકારીઓએ કહ્યું હતું. આમ આદમી પાર્ટીએ હનુમાન જન્મોત્સવના પ્રસંગે આ સમાચારનું સ્વાગત કરતાં કહ્યું હતું કે એ ભગવાના આશીર્વાદનું પરિણામ છે.
દિલ્હીનાં કેબિનેટ મંત્રી આતિશીએ X પર પોસ્ટમાં કહ્યું હતું કે જય બજરંગ બલી. હનુમાન જયંતીએ સારા સમાચાર મળ્યા. જેલ સત્તાવાળાઓએ છેવટે કેજરીવાલને ઇન્સ્યુલિન આપ્યું ખરું. એ હનુમાનજીના આશીર્વાદ અને સંઘર્ષનું પરિણામ છે. દિલ્હીવાસીઓના સંઘર્ષ સમયે બંજરંગ બલીના આશીર્વાદ આપણા બધા પર છે.
बजरंग बली ने अपने भक्त @ArvindKejriwal जी को INSULIN दी।
BJP के जेल प्रशासन और केंद्र सरकार ने Insulin देने से इनकार कर दिया था, लेकिन कोर्ट ने इन्सुलिन देने का आदेश दिया।
आज हम सभी केजरीवाल जी के अच्छे स्वास्थ्य और उनके जल्दी छूटने की प्रार्थना करेंगे।@Saurabh_MLAgk pic.twitter.com/2VYLXQS75o
— AAP (@AamAadmiParty) April 23, 2024
તિહાર જેલના એક અધિકારીના જણાવ્યા અનુસાર ગઈ કાલે 22 એપ્રિલ દિલ્હીના મુખ્ય મંત્રી અરવિંદ કેજરીવાલને તિહાડ જેલમાં લો-ડોઝ ઇન્સ્યુલિન આપવામાં આવ્યું હતું. ગઈ કાલે તેમનું શુગર લેવલ 217 હતું, AIIMSની ટીમે કહ્યું હતું કે જો લેવલ 200ને પાર કરે તો તેમને ઓછી માત્રામાં ઇન્સ્યુલિન આપવામાં આવી શકે છે.
આમ આદમી પાર્ટી (AAP)એ દાવો કર્યો છે કે મુખ્ય મંત્રી અરવિંદ કેજરીવાલને ઘણા દિવસોના સંઘર્ષ બાદ તિહાર જેલમાં ઇન્સ્યુલિન આપવામાં આવ્યું છે. AAPએ X (અગાઉ ટ્વિટર) પર એક પોસ્ટમાં જણાવ્યું હતું કે આખરે ભાજપ અને તેનું જેલ વહીવટી તંત્ર ભાનમાં આવ્યું અને જેલમાં CM કેજરીવાલને ઇન્સ્યુલિન આપ્યું. CM કેજરીવાલનું શુગર લેવલ 320 પર પહોંચી ગયું હતું. ભગવાન હનુમાનજીના આશીર્વાદ અને દિલ્હીના લોકોના સંઘર્ષને કારણે જ આ શક્ય બન્યું છે. અમે અમારા મુખ્ય મંત્રી સુધી ઇન્સ્યુલિન પહોંચાડવામાં સફળ રહ્યા છીએ.
