નવી દિલ્હીઃ દેશ આજે-26 જુલાઈએ કારગિલ વિજય દેવસ ઊજવી રહ્યો છે. આ પ્રસંગે રાષ્ટ્રપતિ દ્રોપદી મુર્મુ, વડા પ્રધાન નરેન્દ્ર મોદી, ગૃહપ્રધાન અમિત શાહ સંરક્ષણપ્રધાન રાજનાથ સિંહ અને ત્રણે સેનાના વડાઓએ દેશના શહીદ વીર સપૂતોને અને સશસ્ત્ર દળોને શ્રદ્ધાંજલિ આપી હતી. આજના દિવસે ભારતીય સૈનિકોએ કારગિલના પર્વતના સૌથી ઊંચા શિખર પરથી પાકિસ્તાની ઘૂસણખોરોને હાંકી કાઢી હતી અને પર્વત પર કબજો કરી લીધો હતો.
વડા પ્રધાન નરેન્દ્ર મોદી અને અન્ય નેતાઓ કારગિલ દિવસે ટ્વીટ કરીને શહીદ સૈનિકોને શ્રદ્ધાંજલિ અર્પણ કરી હતી. વડા પ્રધાને શહીદોને શ્રદ્ધાંજલિ આપતાં લખ્યું હતું કે કારગિલ વિજય એ મા ભારતીની આન-બાન અને શાનનું પ્રતીક છે. આ અવસરે માતૃભૂમિની રક્ષણાર્થે પરાક્રમ કરનારા દેશના સાહસિક સપૂતોને મારા શત-શત નમન. જય હિંદ.
कारगिल विजय दिवस मां भारती की आन-बान और शान का प्रतीक है। इस अवसर पर मातृभूमि की रक्षा में पराक्रम की पराकाष्ठा करने वाले देश के सभी साहसी सपूतों को मेरा शत-शत नमन। जय हिंद! pic.twitter.com/wIHyTrNPMU
— Narendra Modi (@narendramodi) July 26, 2022
દિલ્હીમાં સંરક્ષણપ્રધાન રાજનાથ સિંહે કારગિલ દિવસના પ્રસંગે 1999ના કારગિલ યુદ્ધમાં જીવ ગુમાવનારા સૈનિકોને ટ્વીટ કરી શ્રદ્ધાંજલિ આપી હતી. તેમણે સંયુક્ત થિયેટર કમાંડની પણ સ્થાપના કરી હતી, જેથી સશસ્ત્ર દળોની ત્રણ સર્વિસીસ વચ્ચે તાલમેલ વધારી શકાય.
On Kargil Vijay Diwas, India salutes the bravery, courage and sacrifice of our armed forces. They fought valiantly in extremely harsh conditions to defend our motherland. Their act of valour & indomitable spirit will remain etched forever as a defining moment in India’s history. pic.twitter.com/XSE24gM20r
— Rajnath Singh (@rajnathsingh) July 26, 2022
જમ્મુમાં કારગિલ વિજય દિવસના કાર્યક્રમમાં સંરક્ષણપ્રધાને કહ્યું હતું કે પાકિસ્તાન ઓક્યુપાઇડ કાશ્મીર પણ (POK) પણ ભારતનું અભિન્ન અંગ હતું અને રહેશે. અમે pok પર સંસદમાં ઠરાવ કરવા પ્રતિબદ્ધ છીએ. તેમણે સવાલ કર્યો હતો કે બાબા અમરનાથ ભારતમાં છે અને મા શારદા શક્તિ લાઇન ઓફ કન્ટ્રોલની પેલી બાજુ છે.
આજના દિવસે ભારતે પાકિસ્તાન સામે કારગિલ યુદ્ધમાં વિજય મેળવ્યો હતો, પણ કારગિલ યુદ્ધમાં 500થી વધુ ભારતીય સૈનિકોનાં મોત થયાં હતાં.
