નવી દિલ્હીઃ ભારતીય લશ્કરમાં નેપાળી યુવાનોને ભરતી કરવાનું બંધ કરી દેવાની માગણી કરવામાં આવી છે ત્યારે ભારતીય લશ્કરે મિલિટરી પોલીસ વિભાગમાં નેપાળી મહિલાઓને ભરતી કરવાનું નક્કી કર્યું છે અને એ માટેની વેકેન્સીઓ ખુલ્લી મૂકી છે.
ભારતીય લશ્કરે કહ્યું છે કે યુવાનો માટે અવકાશ વધારવા માટે નેપાળી યુવકો અને યુવતીઓ, બંનેની ભરતી કરવાનું ચાલુ રાખવામાં આવશે. કાઠમંડુમાંની ભારતીય દૂતાવાસે આ જાહેરાત કરતું એક નિવેદન બહાર પાડ્યું છે. એમાં જણાવાયું છે કે પાત્રતા ધરાવનાર નેપાળી મહિલાઓ ઓનલાઈન તેમની અરજીઓ મોકલી શકે છે.
