નવી દિલ્હીઃ કોરોના વાયરસ વિરુદ્ધ યુદ્ધમાં ભારતીય કંપની લાઈફ કેર લિમિટેડે કોરોના વાયરસની એન્ટીબોડી કિટ બનાવવામાં સફળતા પ્રાપ્ત કરી લીધી છે. કોરોના સામેના યુદ્ધમાં આ સફળતા અતિમહત્વપૂર્ણ છે. આ કીટને NIV પુણે દ્વારા માન્ય કરવામાં આવી છે અને IMR દ્વારા પણ એના ઉપયોગની મંજૂરી આપી દેવામાં આવી છે.
એતએલએલ લાઈફ કેર, કેન્દ્રીય સ્વાસ્થ્ય અને પરિવાર કલ્યાણ મંત્રાલય અંતર્ગત સંચાલિત થાય છે. આ કીટની મદદથી દર્દીના સીરમ, પ્લાઝમા અથવા લોહીને લઈને એન્ટીબોડીની ઓળખ કરી શકાય છે.
ઉલ્લેખનીય છે કે ભારતમાં કોરોના વાયરસનો પ્રકોપ સતત વધી રહ્યો છે. લેટેસ્ટ આંકડાઓ અનુસાર દર્દીઓની સંખ્યા અત્યારે 4421 થઈ ગઈ છે, જ્યારે અત્યારસુધીમાં 114 લોકોના મોત થયા છે. તો 326 લોકોની સારવાર થઈ ગઈ છે. છેલ્લા 24 કલાકમાં કુલ 354 નવા દર્દીઓ સામે આવ્યા છે.
