નવી દિલ્હીઃ દિલ્હી-મેરઠ એક્સપ્રેસ વે પર હાપુડ પાસે એક વડીલ પોતાનું રોજનું કામ કરી રહ્યા છે. ત્રણ નાના બાળકો ઝાડ નીચે ખાટલો અને ખુરશી પર બેઠા હતા. કદાચ પોતાના જૂના કિસ્સાઓની ચર્ચા એ લોકો કરી રહ્યા હતા. પાસે જ મહિલાઓ પણ કામ કરી રહી હતી. આ નજારો છે મસૂરી ગામનો, જે એનએચ 9 પાસે આવેલું છે. 
આ રસ્તા પરથી મોટી સંખ્યામાં ઘરે પાછા આવનારા લોકોનો કાફલો પસાર થઈ રહ્યો હતો. એકતરફ જ્યાં આખો દેશ જ નહી પરંતુ આખી દુનિયામાં કોરોનાનું સંકટ છે, ત્યારે ડર છે અને ભવિષ્યને લઈને આશંકા છે. તો આ ગામમાં જ નહી પરંતુ આસપાસના ઘણાય ગામડાઓમાં નજારો બીલકુલ અલગ હતો, લોકો સાવધાન દેખાયા અને મિજાજ સકારાત્મક હતો.
નોએડાથી લાલકુઆ પાસે પહેલું બેરિકેડિંગ મળ્યું. પોલીસ લોકોનું કડક ચેકિંગ કરી રહી છે. ગામના લોકોએ જણાવ્યું કે વિદેશીઓ શહેરોમાંથી આવે છે અને તેઓ જ બિમારીઓ લાવે છે. ગામમાં બહારના લોકો ઓછા જ આવે છે. બીમારીની ખબર પડતા જ હવે ગામના લોકો પણ બહાર નિકળતા નથી. વધતી બિમારીને ધ્યાને રાખતા આ ગામના લોકોએ દિલ્હીમાં ભણતા પોતાના બાળકોને પણ પાછા બોલાવી લીધા છે. ગામના એક વ્યક્તિને મોકલીને જરુરી સામાન જનતા કર્ફ્યુ પહેલા જ એકત્ર કરી લેવામાં આવ્યો હતો. મહિલાઓએ જણાવ્યું કે, અમે અત્યારસુધી ઠંડીમાં જ ગરમ પાણી પીતા હતા પરંતુ હવે ઉનાળામાં પણ ગરમ પાણી પીવાનું શરુ કર્યું છે. અહીંયા લોકો સફાઈ રાખે છે અને શાકભાજી અને દૂધ વધારી દીધું છે.
