મુંબઈઃ કટોકટીમાં સપડાયેલી ગો ફર્સ્ટ એરલાઈને તેની ફ્લાઈટ્સનું સ્થગિતપણું 26 મે સુધી લંબાવ્યું છે. આ માટે તેણે સંચાલનને લગતા કારણો દર્શાવ્યા છે અને એવી આશા વ્યક્ત કરી છે કે તે ટૂંક સમયમાં જ બુકિંગ ફરી શરૂ કરવા સમર્થ બનશે. એરલાઈને ટ્વીટમાં એમ પણ જણાવ્યું છે કે ટૂંક સમયમાં જ પેમેન્ટના મૂળ માધ્યમમાં ફૂલ રીફંડ ઈશ્યૂ કરવામાં આવશે.
ગો ફર્સ્ટ હાલ નાદારીને લગતી કાર્યવાહી હેઠળ છે. તેણે ગઈ 3 મેથી તેની વિમાન સેવાને સસ્પેન્ડ કરી દીધી છે. વધુમાં, દેશના એવિએશન ક્ષેત્રની નિયામક સંસ્થા ડીજીસીએ દ્વારા એને આદેશ આપવામાં આવ્યો છે કે જ્યાં સુધી પોતાનો નવો આદેશ ન મળે ત્યાં સુધી એરલાઈને ટિકિટોનું બુકિંગ બંધ રાખવું.
Due to operational reasons, Go First flights until 26th May 2023 are cancelled. We apologise for the inconvenience caused and request customers to visit https://t.co/MmBSaBFHPl for more info. For any queries or concerns, please feel free to contact us. pic.twitter.com/H9msWnsONq
— GO FIRST (@GoFirstairways) May 17, 2023
