નવી દિલ્હીઃ બોલિવુડની પ્રખ્યાત અભિનેત્રી નિમ્મીનું 88 વર્ષે નિધન થયું છે. તે ઘણા લાંબા સમયથી બીમાર હતી. મુંબઈની સરલા નર્સિંગ હોમમાં તેમણે અંતિમ શ્વાસ લીધા હતા. નિમ્મીના નિધન પછી બોલિવુડ કલાકારોએ સોશિયલ મિડિયા દ્વારા તેમને શ્રદ્ધાંજલિ આપી હતી અને દુઃખ વ્યક્ત કર્યું હતું. બોલિવુડના ફિલ્મનિર્માતા મહેશ ભટ્ટે નિમ્મીના નિધન અંગે ટ્વીટ કર્યું હતું. તેમણે આ અભિનેત્રીને ગુડ બાય કહ્યું હતું. 
તેમણે કહ્યું હતું કે તમે તમારા દિલને ઇચ્છાથી જીતી શકો છો, પણ તમે મોતથી નઝી જીતી શકતા. તેમણે હાથ જોડીને અલવિદા નિમ્મીજી. એમ કહ્યું હતું. મહેશ ભટ્ટ સિવાય નિમ્મીના નિધન અંગે બોલિવુડના ફિલ્મ અભિનેતા ઋષિ કપૂરે પણ ટ્વીટ કર્યું હતું કે બોબીને એના પ્રીમિયર રિલીઝ થવા પર આશીર્વાદ આપવા બદલ બહુ ધન્યવાદ. તમે આરકે પરિવારનો ભાગ હતા. બરસાત તમારી પણ પહેલી ફિલ્મ હતી. અલ્લા તમને જન્નત નસીબ કરે. આમીન.
નિમ્મીએ 1950થી 1906ના દાયકામાં હિલન્દી ફિલ્મોમાં ખૂબ નામના મેળવી. તેમણે સજા, આન, ઉડન ખટોલો, ભાઈ-ભાઈ, કુંદન, મેરે મહેબૂબ સહિત અનેક ફિલ્મોમાં કામ કર્યું હતું. તેમને બરસાત ફિલ્મથી ડેબ્યુ કર્યું હતું. તેમનું નામ નવાબ બાનોથી બદલીને નિમ્મી રાખવામાં આવ્યું હતું. તેમને પહેલી ફિલ્મથી લોકપ્રિયતા મળી હતી.
