નવી દિલ્હીઃ હરિયાણા વિધાનસભાની ચૂંટણીમાં આમ આપ પાર્ટી અને કોંગ્રેસની વચ્ચે ગઠબંધનને મુદ્દે સહમતી નથી સધાઈ. આપે પાર્ટીના 20 ઉમેદવારોની યાદી જારી કરી દીધી છે. આપે 11 સીટો પર ઉમેદવારો ઉતાર્યા છે, જ્યાં કોંગ્રેસે પહેલેથી જ ઉમેદવારોની ઘોષણા કરી છે.
રાજ્ય એકમના પ્રમુખ સુશીલ ગુપ્તાએ કહ્યું હતું કે જો સાંજ સુધીમાં વાતચીતને અંતિમ સ્વરૂપ નહીં આપવામાં આવે તો પાર્ટી બધી 90 સીટોના ઉમેદવારોનાં નામ જારી દેશે.
હરિયાણા વિધાનસભા ચૂંટણીને માટે અત્યાર સુધી કોંગ્રેસ ઉમેદવારોના નામની બે યાદી કરી ચૂકી છે. આ બે યાદીઓમાં કુલ 41 ઉમેદવારોનાં નામની જાહેરાત કરવામાં આવી છે. બાકી રહેલા 49 ઉમેદવારોનાં નામની યાદી કોંગ્રેસની પેટા સમિતિ જાહેર કરે એવી શક્યતા છે.
हरियाणा विधानसभा चुनावों के लिए पार्टी ने 20 उम्मीदवारों का एलान किया है। हम हरियाणा में पूरी मजबूती से चुनाव लड़ेंगे और बीजेपी की कुशासन की सरकार को हटाने का काम करेंगे।@SanjayAzadSln pic.twitter.com/k1BKrIMJkv
— AAP (@AamAadmiParty) September 9, 2024
કોંગ્રેસ અને આમ આદમી પાર્ટીની વચ્ચે ઉમેદવારોની વચ્ચે બેઠકોની વહેંચણીને લઈને ચર્ચા ચાલી રહી છે. પરંતુ હજુ સુધી આ મામલે કોઇ સહમતી સધાઈ ચૂકી નથી. હરિયાણા વિધાનસભાની 90 બેઠકો માટે બંને પાર્ટીઓએ પોતપોતાની યાદીઓ તૈયાર રાખી છે.
કોંગ્રેસ અને આપના ગઠબંધનને લઈને સંજય સિંહે કહ્યું હતું કે હવે અમારી પાસે બહુ ઓછો સમય બચ્યો છે. ઉમેદવારી નોંધાવવા માટે છેલ્લી તારીખ 12 સપ્ટેમ્બર છે. AAP તમામ બેઠકો પર સંપૂર્ણ રીતે ચૂંટણી લડવા તૈયાર છે, માત્ર હાઇકમાન્ડના નિર્ણયની રાહ જોઈ રહી છે, ત્યાર બાદ ઉમેદવારોની યાદી ટૂંક સમયમાં જાહેર કરવામાં આવશે.
