મુંબઈઃ આવતીકાલથી તમામ મહિલાઓને મુંબઈની લોકલ ટ્રેનોમાં પ્રવાસ કરવા દેવાની મહારાષ્ટ્ર સરકારની પરવાનગીને કેન્દ્ર સરકારે પણ લીલી ઝંડી બતાવી દીધી છે. કેન્દ્રીય રેલવે પ્રધાન પીયૂષ ગોયલે આની જાણકારી ટ્વિટરના માધ્યમથી આપી છે.
આવતીકાલથી મહિલાઓ મુંબઈની લોકલ ટ્રેનોમાં સવારે 11થી બપોરે 3 વાગ્યા સુધી અને ત્યારબાદ સાંજે 7 વાગ્યાથી રાતે લોકલ ટ્રેન સેવા બંધ થાય ત્યાં સુધી પ્રવાસ કરી શકશે.
મહિલાઓને લોકલ ટ્રેનોમાં પ્રવાસ કરવા દેવા માટે મહારાષ્ટ્ર સરકારે રેલવે બોર્ડને પત્ર લખ્યો હતો, પરંતુ રેલવે બોર્ડે તે પરવાનગી આપવાનો ઈનકાર કર્યો હતો.
આજે પીયૂષ ગોયલે કહ્યું કે, મને એ જણાવતા આનંદ થાય છે કે આવતીકાલથી તમામ મહિલા પ્રવાસીઓ સવારે 11થી બપોરે 3 વાગ્યા સુધી અને ત્યારબાદ સાંજે 7 વાગ્યાથી મુંબઈની ઉપનગરીય ટ્રેન સેવા ચાલુ રહે ત્યાં સુધી ટ્રેનોમાં પ્રવાસ કરી શકશે. અમે એ માટે પરવાનગી આપીએ છીએ. રેલવેની તો એ માટે પહેલેથી જ તૈયારી હતી, પરંતુ અમને મહારાષ્ટ્ર સરકાર તરફથી પત્ર મોડો મળ્યો.
मला घोषित करण्यास आनंद होत आहे की, उद्यापासून सर्व महिला प्रवाशांना स.11 ते दु.3 दरम्यान व सायं.7 नंतर मुंबई उपनगरीय ट्रेनमधून प्रवास करण्याची परवानगी देण्यात येत आहे.रेल्वेची नेहमीच तयारी होती त्यामुळे आज मिळालेल्या महाराष्ट्र शासनाच्या पत्रानुसार आम्ही त्वरित परवानगी देत आहोत.
— Piyush Goyal (@PiyushGoyal) October 20, 2020
