લોકસભા ચૂંટણીને લઈને વડાપ્રધાન મોદી જોરશોરથી પ્રચાર કરી રહ્યા છે. ત્યારે આજે તેઓ મહારાષ્ટ્રની મુલાકાતે હતા. મુંબઈના ઘાટકોપરમાં વડાપ્રધાન નરેન્દ્ર મોદીએ રોડ શો કર્યો હતો. આ દરમિયાન મોટી સંખ્યામાં લોકો ઉમટી પડ્યા હતા. મહારાષ્ટ્રના સીએમ એકનાથ શિંદે અને નાયબ મુખ્યમંત્રી દેવેન્દ્ર ફડણવીસ પણ વડાપ્રધાન સાથે તેમના પ્રચાર વાહન પર હાજર છે. આ રોડ શો મુંબઈ નોર્થ-ઈસ્ટ લોકસભા સીટના વિસ્તારમાં આયોજિત કરવામાં આવ્યો હતો. ભાજપે આ બેઠક પરથી ગુજરાતી મૂળના મિહિર કોટેચાને ઉમેદવાર બનાવ્યા છે. તમને જણાવી દઈએ કે આ વિસ્તારમાં આવતા ભાંડુપ, ઘાટકોપર, વિક્રોલી અને કાંજુરમાર્ગને શિવસૈનિકોનો જૂનો ગઢ માનવામાં આવે છે. પરંતુ આ વિસ્તારમાં ગુજરાતીઓ સહિત પરપ્રાંતીયોની સંખ્યા મોટી છે.
(તસવીર : Deepak Dhuri )
