મુંબઈઃ અહીં બાન્દ્રા (વેસ્ટ) ઉપનગરમાં આજે સવારે ‘ઓરેકલ રેડ બૂલ રેસિંગ’ ઈવેન્ટ દરમિયાન ફોર્મ્યુલા-1ની એક કારમાં આગ લાગી હતી. આ ઘટના અરબી સમુદ્રકાંઠા પરના બેન્ડસ્ટેન્ડ વિસ્તારમાં બની હતી. ત્યાં કાર રેસિંગ ઈવેન્ટનું આયોજન કરવામાં આવ્યું હતું.
જાણકારી મળતાં રેસ્ક્યૂ ટીમ તરત જ ત્યાં દોડી ગઈ હતી અને આગ બુઝાવવાની કામગીરી શરૂ કરી હતી. સદ્દભાગ્યે કોઈને ઈજા થઈ નથી. ભારતમાં ઓરેકલ રેડ બૂલ રેસિંગ ઈવેન્ટ આઠ વર્ષના સમયગાળા બાદ ફરી યોજવામાં આવી હતી.
