મુંબઈઃ મહારાષ્ટ્ર સરકારે શક્તિ બિલ નામનો એક ખરડો આજે રાજ્ય વિધાનસભામાં રજૂ કર્યો છે. આ ખરડો મહારાષ્ટ્ર રાજ્યમાં મહિલાઓ અને બાળકો પર હિંસા અને અત્યાચારની ઘટનાઓને રોકવા માટેનો છે. આ ખરડો આજે રાજ્ય વિધાનસભાના બે-દિવસના સત્રના પહેલા દિવસે રજૂ કરાયો છે.
આ સૂચિત કાયદા અંતર્ગત મહિલાઓ અને બાળકો પર હિંસા, બળાત્કાર, એસિડ હુમલા, તથા અન્ય અત્યાચારની ઘટનાઓને લગતા કેસની સમગ્ર કાર્યવાહી 21 દિવસમાં જ પૂરી કરવાની જોગવાઈ છે. સાથોસાથ ગુનેગારને મોતની સજા સહિત ઘણી કડક સજાની પણ જોગવાઈ છે.
