કેન્દ્રીય બજેટ 2023-24 અંગે નિષ્ણાતોનાં અભિપ્રાય

નામ બડે ઔર દર્શન છોટેઃ નવી કરપ્રણાલીમાં સામાન્ય પગારદારને કોઈ મોટી રાહત થતી નથી

નીતેશ બુદ્ધદેવ (ચાર્ટર્ડ અકાઉન્ટન્ટ, કરવેરા અને પર્સનલ ફાઇનૅન્સ ક્ષેત્રના નિષ્ણાત)

પગારદાર વર્ગ આ બજેટ પાસેથી ઘણી રાહતોની અપેક્ષા રાખીને બેઠો હતો, પરંતુ સરકારે જૂના ટેક્સ રેજિમમાં કોઈ ફેરફાર કર્યો નથી. પ્રથમ નજરે લોકોને નવા ટેક્સ રેજિમમાં ફાયદો દેખાયો છે, પરંતુ એનાથી સામાન્ય પગારદારને કોઈ મોટી રાહત થતી નથી. બજેટમાં કરાયેલા ફેરફારને પગલે હવે જૂનું અને નવું રેજિમ લગભગ સમાન સ્તરે આવી ગયા છે. આ વાતને ઉદાહરણ દ્વારા સમજીએ.

ધારો કે રાજની આવક નાણાકીય વર્ષ ૨૦૨૨-૨૩માં સાત લાખ રૂપિયા હતી. એમણે કલમ ૮૦સી હેઠળ કરલાભ લેવા માટે ૧.૫ લાખ રૂપિયાનું રોકાણ કર્યું. એમણે કલમ ૮૦ડીનો પણ લાભ લીધો અને પોતાના તથા માતાપિતાના આરોગ્ય વીમાના પ્રીમિયમની ચૂકવણી દ્વારા ૫૦,૦૦૦ રૂપિયાનું ડિડક્શન મેળવ્યું. જો તેઓ જૂની પદ્ધતિ પ્રમાણે જાય તો એમણે કરવેરો ભરવો પડતો નથી. જો નવું રેજિમ પસંદ કરે તો ૩૩,૮૦૦ રૂપિયાની કરવેરાની જવાબદારી આવે. ધારો કે નાણાકીય વર્ષ ૨૦૨૩-૨૪માં રાજની આવક એ જ રહે છે અને તેઓ આ વખતના બજેટને લીધે મળેલા વિકલ્પનો લાભ લઈને ન્યૂ ટેક્સ રેજિમ પસંદ કરે છે. એ સ્થિતિમાં એમણે કોઈ કરવેરો ભરવો નહીં પડે. આમ, એમના માટે જૂની અને નવી પદ્ધતિ સમાન રહેશે.

બજેટમાં ન્યૂ ટેક્સ રેજિમ હેઠળ પાંચ સ્લેબ રાખવામાં આવ્યા છે. આ વખતે ન્યૂ ટેક્સ રેજિમમાં ૫૦,૦૦0 રૂપિયાનું સ્ટાન્ડર્ડ ડિડક્શન રાખવામાં આવ્યું છે. આથી ૧૫.૫ લાખ રૂપિયાનો પગાર ધરાવતી વ્યક્તિને ૫૨,૫૦૦ રૂપિયાનો લાભ થશે. આ વાત ઉદાહરણ દ્વારા સમજીએ. ધારો કે સીમાને ૧૫.૫ લાખનો પગાર મળ્યો અને તેઓ આ વર્ષે તથા આવતા વર્ષે ન્યૂ ટેક્સ રેજિમ અપનાવે છે. એમની કરવેરાની જવાબદારી આ પ્રમાણે રહેશેઃ

ઉક્ત ઉદાહરણ પરથી સમજી શકાય છે કે સામાન્ય પગારદારને કોઈ મોટી રાહત આપવામાં આવી નથી.