બજેટથી રિયલ એસ્ટેટ માર્કેટના વિકાસને ભરપુર અવકાશ મળશે
ધીરેન દોશી (રિઅલ્ટી એક્સપર્ટ)
નાણાં પ્રધાન નિર્મલા સીતારમણે બુધવારે 2023 માટે ઐતિહાસિક બજેટ રજૂ કર્યું.
“આઝાદી કા અમૃત મહોત્સવ”ની ઉજવણી ચાલુ રાખીને આજની તારીખે આ બજેટ દરેક ક્ષેત્રને લાભ આપ્યો છે. આ બજેટમાં રિયલ એસ્ટેટ અને ઈન્ફ્રાસ્ટ્રક્ચરને પણ ઘણી રીતે ફાયદો થયો છે.
આંકડાકીય વિગતો ધીમે ધીમે વહેતી થશે, પરંતુ બજેટમાંથી રિયલ એસ્ટેટને કેવી રીતે ફાયદો થશે તેના મુખ્ય હાઇલાઇટ્સ અહીં પ્રસ્તુત છે:
મૂડી ખર્ચમાં વધારો રેસિડેન્શિયલ અને કોમર્શિયલ ઈન્ફ્રાનો વિકાસ લાવશે. વિકાસને મેટ્રો સુધી મર્યાદિત રાખવાને બદલે 2-ટાયર અને 3-ટાયર શહેરો સુધી વિસ્તારવામાં આવ્યો છે.
50 નવા એરપોર્ટ, પોર્ટ બનાવવામાં આવશે જેથી મેટ્રો ઉપરાંત નાના શહેરોના રિયલ એસ્ટેટ ઉદ્યોગને જોર મળશે. શહેરી જમીનોની ઉપલબ્ધતામાં વધારો થવાથી વધુ રિયલ એસ્ટેટ પ્રોજેક્ટ્સ આવવાની તક મળશે. યુઆઈડીએફ (શહેરી ઈન્ફ્રાસ્ટ્રક્ચર ડેવલપમેન્ટ ફંડ)ની રજૂઆતથી ઘણી તકો મળશે કારણ કે વધુ ભંડોળ ઉપલબ્ધ થશે.
પ્રવાસન ઉદ્યોગ માટે રાહતની જાહેરાતને કારણે આંતરરાષ્ટ્રીય ધોરણોની ઘણી હોટલો, એરપોર્ટ, બસ ડેપો વગેરે પણ આવશે. ગ્રીન એનર્જી પર વિશેષ ફોકસ કરવાથી ન્યૂનતમ પ્રદૂષણ ધરાવતા પ્રોજેક્ટ્સ લાવાશે. આ બજેટ દ્વારા લેન્ડ બેંકમાં ઘણા બધા મેન્ગ્રોવ્સ અને મીઠાના તવાઓનો સમાવેશ કરવામાં આવતા વિકાસ માટે ખુલ્લી જમીનની અછત ઘટશે. આનાથી દરિયાકાંઠાના વિસ્તારોમાં રિયલ એસ્ટેટ સેક્ટરને વધારાનો ફાયદો થશે.
5G ટેકનોલોજી માટે 100 પ્લસ લેબની જાહેરાત કરવામાં આવી છે. આવી ઇમારતોની જરૂરિયાત રિયલ એસ્ટેટ સેક્ટરમાં વધુ બિઝનેસ પેદા કરશે. આ ઉપરાંત ફાર્મા રિસર્ચ, ફિશરીઝ, નર્સિંગ તાલીમ કેન્દ્રો, મેડિકલ કોલેજો અને ડિજિટલ લાઇબ્રેરીઓ માટે ઘણી નવી લેબની જાહેરાત કરવામાં આવી છે અને તેથી આવા ઘણા વ્યાપારી માળખાઓ ઉદ્યોગમાં ખૂબ બિઝનેસ લાવશે.
આર્ટિફિશિયલ ઇન્ટેલિજન્સ (AI) માટેની સંસ્થાઓની પણ જાહેરાત કરવામાં આવી છે જેના માટે ઘણી ઇમારતો બનાવવાની જરૂર પડશે.પ્રધાનમંત્રી આવાસ યોજના ચાલુ રાખવામાં આવી છે અને તે ઉદ્યોગને તેનો લાભ આપતી રહેશે.
વિવિધ મંજૂરીઓ મેળવવા માટે સિંગલ વિન્ડો મંજૂરીની જાહેરાત કરવામાં આવી છે જે ઘણો સમય અને શક્તિ બચાવશે અને ઉદ્યોગને વધુ કાર્યક્ષમ બનાવશે. કોઈપણ દેશનો રિયલ એસ્ટેટ ઉધોગ રાષ્ટ્રના જીડીપીમાં મોટો ફાળો આપે છે અને આ બજેટે સર્વાંગી પ્રગતિનો માર્ગ ખોલ્યો છે.
