Friday, June 13, 2025
Google search engine
HomeNewsEntertainmentનેશનલ અવોર્ડ બાદ રડી પડી માનસી પારેખ

નેશનલ અવોર્ડ બાદ રડી પડી માનસી પારેખ

મુંબઈ: રાષ્ટ્રપતિ દ્રૌપદી મુર્મુએ નવી દિલ્હીમાં વિજ્ઞાન ભવનમાં 70મા રાષ્ટ્રીય ફિલ્મ પુરસ્કારોથી કલાકારોનું સન્માન કર્યું હતું. જ્યાં પીઢ અભિનેતા મિથુન ચક્રવર્તીને તેમની દાયકાઓ લાંબી કારકિર્દીનું સન્માન કરતાં દાદાસાહેબ ફાળકે એવોર્ડ આપવામાં આવ્યો હતો. જ્યારે મનોજ બાજપેચી, ઋષભ શેટ્ટી અને માનસી પારેખ સહિતના કલાકારોને નેશનલ એવોર્ડથી સન્માનિત કરવામાં આવ્યાં હતાં.

રાષ્ટ્રપતિ દ્રૌપદી મુર્મુએ ઋષભ શેટ્ટીને ‘કંતારા’ માટે શ્રેષ્ઠ અભિનેતાનો એવોર્ડ એનાયત કર્યો હતો. જયારે માનસી પારેખને ‘કચ્છ એક્સપ્રેસ’ માટે અને નિત્યા મેનનને ‘થિરુચિત્રમ્બલમ’ માટે શ્રેષ્ઠ અભિનેત્રીનો રાષ્ટ્રીય પુરસ્કાર આપીને તેમના કામ માટે પ્રશંસા કરવામાં આવી હતી. આ દરમિયાન માનસી પારેખ ખુબ ભાવુક થઈ હતી અને તેની આંખ ભીની થઈ ગઈ હતી.

જ્યારે માનસી પારેખ એવોર્ડ લેવા સ્ટેજ પર પહોંચી તો તે પોતાના આંસુ કાબુમાં રાખી શકી નહોતી. જ્યારે તે એવોર્ડ મેળવી રહી હતી ત્યારે તે રડી પડી હતી. રાષ્ટ્રપતિ દ્રૌપદી મુર્મુએ તેમના ખભા પર હાથ મૂકીને તેમને સાંત્વના આપી. હવે તેનો વીડિયો સોશિયલ મીડિયા પર વાયરલ થઈ રહ્યો છે.

માનસી ‘કચ્છ એક્સપ્રેસ’ની અભિનેત્રી અને નિર્માતા છે
6 જાન્યુઆરી, 2022ના રોજ રિલીઝ થયેલી માનસી પારેખની પ્રોડક્શન ફિલ્મ ‘કચ્છ એક્સપ્રેસ’માં રત્ના પાઠક શાહ અને દર્શિલ સફારી જેવા ઘણા કલાકારો છે. માનસી પારેખે આ ફિલ્મમાં મુખ્ય ભૂમિકા તો ભજવી જ હતી સાથે ફિલ્મની નિર્માતા પણ ખરી. ફિલ્મની વાર્તા તેના પતિની બેવફાઈની શોધ કર્યા પછી મહિલા સશક્તિકરણની સફરને અનુસરે છે.

RELATED ARTICLES
- Advertisment -
Google search engine

Most Popular