બોલિવૂડ સ્ટાર સિદ્ધાર્થ મલ્હોત્રાએ દિલ્હીમાં લોકસભા ચૂંટણી 2024 માટે મતદાન કરીને નાગરિક તરીકેની પોતાની ફરજ નિભાવી છે. આજે 25મી મેના રોજ સિદ્ધાર્થ પોતાનો મત આપવા માટે મુંબઈથી પોતાના વતન દિલ્હી ગયા હતો. અભિનેતાએ સોશિયલ મીડિયા પર તેના વોટિંગની તસવીર પણ શેર કરી છે. સિદ્ધાર્થે ઇન્સ્ટાગ્રામ પર પોતાની એક તસવીર પોસ્ટ કરી છે જેમાં તેની આંગળી પર વોટિંગની શાહી દેખાય છે.
સિદ્ધાર્થે તેની તસવીર ઈન્સ્ટાગ્રામ પર શેર કરતા લખ્યું કે, હું મારા વતન દિલ્હી ગયો અને વિશ્વના સૌથી મોટા લોકતંત્રમાં મતદાન કરવાનો આનંદ માણ્યો, તમે પણ જાઓ અને મતદાન કરો. આ પછી સિદ્ધાર્થે #DelhiVoteNow #VoteForIndia હેશટેગ પણ લખ્યું હતું.
View this post on Instagram
ઉલ્લેખનીય છે કે આજે 25મી મેના રોજ સવારે સિદ્ધાર્થ મલ્હોત્રાએ મુંબઈ એરપોર્ટથી દિલ્હી જવા માટે ફ્લાઈટ લીધી હતી અને પછી ઘરે જવાને બદલે તેઓ સીધા જ પોલિંગ બૂથ પર પહોંચ્યા હતા. તે જ સમયે પોતાનો મત આપ્યા પછી સિદ્ધાર્થે કહ્યું કે દિલ્હી હવે તમારો વારો છે. કિયારા અડવાણીએ મુંબઈમાં મતદાન કર્યુ હતું. હાલમાં તે તેની આગામી ફિલ્મો પર ધ્યાન કેન્દ્રિત કરી રહી છે. કિયારા હવે રણવીર સિંહ સાથે ફિલ્મ ડોન 3માં જોવા મળશે. તે જ સમયે સિદ્ધાર્થ મલ્હોત્રાની અગાઉની ફિલ્મ યોધા હતી, જે થિયેટરોમાં રિલીઝ થઈ ન હતી પરંતુ OTT પર સ્ટ્રીમ થઈ હતી અને ફિલ્મ ફ્લોપ થઈ હતી.
અભિનેત્રી ઈશા ગુપ્તા સ્ટાઇલિશ લુકમાં પોલિંગ બૂથ પર પહોંચી હતી. ઈશા બેજ કલરના પેન્ટ સાથે સુંદર સફેદ શર્ટ પહેરીને મતદાન કરવા પહોંચી હતી. અભિનેત્રીએ સોશિયલ મીડિયા પર વોટિંગ કર્યા બાદ પોતાની એક તસવીર પણ શેર કરી છે.
આ તસવીરના કેપ્શનમાં ઈશાએ લખ્યું છે કે, દિલ્હીવાસીઓ પ્લીઝ વોટ કરવા જાઓ. તમને જણાવી દઈએ કે, આજે 25મી મેના રોજ દિલ્હીની તમામ 7 લોકસભા સીટો પર સવારે મતદાન ચાલી રહ્યું છે. દિલ્હીમાં સૌથી મોટો મુકાબલો ઉત્તર-પૂર્વ દિલ્હી બેઠક પર છે, જેમાં કોંગ્રેસના કન્હૈયા કુમારનો સીધો મુકાબલો ભાજપના વર્તમાન સાંસદ મનોજ તિવારી સાથે છે.
