દિલ્હીના મુખ્યમંત્રી અને આમ આદમી પાર્ટીના વડા અરવિંદ કેજરીવાલે દિલ્હીના લેફ્ટનન્ટ ગવર્નર (LG) પર નિશાન સાધ્યું છે. કેજરીવાલે ઉપરાજ્યપાલને 10 નોમિનેટેડ કાઉન્સિલરો અંગે સવાલ કર્યા અને તેમને પત્ર લખ્યો. તેમણે ભાજપના પ્રોટેમ સ્પીકરની નિમણૂક પર સવાલ ઉઠાવ્યા હતા. સાથે જ તેમણે લેફ્ટનન્ટ ગવર્નર પર ભાજપની તરફેણમાં કામ કરવાનો આરોપ લગાવ્યો.
"Unconstitutional" Kejriwal slams BJP over ruckus during Delhi Mayoral polls
Read @ANI Story | https://t.co/6qNPPqByL7#Delhi #mayoralpolls #ArvindKejriwal #BJP pic.twitter.com/HS4qoGfFLJ
— ANI Digital (@ani_digital) January 6, 2023
દિલ્હીમાં મેયરની ચૂંટણી બાબતે કેજરીવાલે કહ્યું, “દિલ્હીમાં ચૂંટાયેલી સરકારને 2 કરોડ લોકો માટે કામ કરવા દો. બંધારણને મજબૂત કરવા માટે કામ કરો. કેજરીવાલે કહ્યું કે સિનિયર-મોસ્ટ કાઉન્સિલરને પ્રોટેમ સ્પીકર બનાવવામાં આવે છે, જ્યારે આ કિસ્સામાં પણ એલજી એ ભાજપના કાઉન્સિલરને પ્રોટેમ સ્પીકર બનાવવાનું કામ કર્યું છે.
Delhi Mayor Polls | Amid chaos & clash between AAP, BJP councillors, MCD house adjourned before the commencement of voting for mayor elections. pic.twitter.com/9DwrROvzKw
— ANI (@ANI) January 6, 2023
આપને જણાવી દઈએ કે 6 જાન્યુઆરી શુક્રવારના રોજ દિલ્હીમાં MCDના મેયર, ડેપ્યુટી મેયર અને સ્ટેન્ડિંગ કમિટીના સભ્યોની ચૂંટણીની પ્રક્રિયા ચાલી રહી હતી. તે જ સમયે સત્તારૂઢ આમ આદમી પાર્ટી અને ભાજપના નેતાઓ વચ્ચે મારામારી શરૂ થઈ ગઈ હતી. લગભગ 4 કલાક સુધી ચાલેલા હોબાળા બાદ ગૃહની કાર્યવાહી સ્થગિત કરવામાં આવી હતી.
કેજરીવાલે ભાજપના પ્રોટેમ સ્પીકરની નિમણૂક પર સવાલ ઉઠાવ્યા
લેફ્ટનન્ટ ગવર્નરે ભાજપના કોર્પોરેટર સત્ય શર્માને મેયરની ચૂંટણી માટે પ્રોટેમ સ્પીકર તરીકે નિયુક્ત કર્યા હતા. આ પહેલા AAPએ મુકેશ ગોયલના નામનો પ્રસ્તાવ મુક્યો હતો. આમ આદમી પાર્ટીએ સત્યાના નામ સામે વાંધો ઉઠાવ્યો હતો. તે જ સમયે, પ્રોટેમ સ્પીકર સત્યે લેફ્ટનન્ટ ગવર્નરના નામાંકિત સભ્યોને શપથ લેવડાવવાની શરૂઆત કરતા જ સત્તાધારી આમ આદમી પાર્ટીના સભ્યોએ વિરોધમાં સૂત્રોચ્ચાર શરૂ કર્યા.
‘એલજીએ પ્રોટેમ સ્પીકર પોતાની રીતે પસંદ કર્યા’
હવે પત્ર લખીને કેજરીવાલે લેફ્ટનન્ટ ગવર્નર પર સવાલો ઉઠાવ્યા છે. કેજરીવાલે કહ્યું કે ચૂંટાયેલી સરકાર આ (પ્રોટેમ સ્પીકર)ને ગૃહમાં મોકલવાનું કામ કરે છે, પરંતુ તેમને લેફ્ટનન્ટ ગવર્નરે પોતે પસંદ કર્યા હતા. કેજરીવાલે કહ્યું, હજ કમિટીના અધ્યક્ષ ચૂંટાયેલી સરકાર દ્વારા નક્કી કરવામાં આવે છે, પરંતુ અહીં પણ લેફ્ટનન્ટ ગવર્નરે સરકારને બાયપાસ કરવાનું કામ કર્યું છે.
